بِسمْ الله الرحمنْ الرَحيمْ





احساسْ يِتوِجْ التعامُلْ بَينْ البَشرْ لِ يَكونْ البِذره الّتي سَتُثمِرْ عَليها شَجرِةْ العلاقاتْ بِ المًستَقبلْ .



المَوقف الأولْ :
الأول : مَرحبا بدي أحكي معاك ضروري هلأ
الثاني : أوك هلأ اجي بس أوصل البيتْ
وبمرور ساعه يَلتقيانْ
الأول : يا أخي شو اللي سمعتو منك ، ولو بدخلك بيتي وبأمنكْ عَلى كل حياتي وانتا بتحكي علي وبتنشر أخباري وأسراري وبتهيني من واري !!
الثاني : لك شو بتحكي شوي شوي وفهمني شو بصير !!
الأول : معليش ما فيني أحكي أكتر وبكفي اني عرفتك على حقيقتك !!
الثاني : اممممم طيب أنتا بتصدق هالشي عني .؟!!
الأول : بصراحه ما بعرف يمكن تحكي !!
الثاني : طيب واجهني باللي حكي ووقتها تعرف مين الصح !
الأول : لا بدي أواجه ولا شي وما فيني أحكيلك مين وصل الحكي لأني وعدت ما أحكي شي عَنو !!


الموقف الثاني :
الزوجْ : شوفي يا بنت الحلال لا بدي تروحي ولا تيجي
انسي صاحباتِك وانسي أهلك وانسي كل شي كنتي تعمليه من قبل ما اخذك ، ومن اليوم ما في تحكي تلفونات
ولا تبعتي مسجات ولا بدي أشوفك عالماسنجر .. !
الزوجه : ولو كل هاد مره وحدي !! لشو كل هاد يا ابن الحلال ما انتا تعرفني انا مين
وكمانا احنا خطبنا سنتين وتعرف كل تصرفاتي ، بما انك لليوم ما عارفني منيح ليه اتزوجتني ..؟!
الزوج : ما الك ليه اتزوجتك بس انا هيك بدي ولازم تردي علي !!
وَكلامْ يَتزايد بَينهم لِ يَنتهي بِ مُفتَرق طُرقْ ولا يَجمعهم سِوى جِدارنْ أسودْ يَحتوي الكَثيرْ مِنْ التوَتُرْ..!


الموقف الثالثْ :
البنت : السلام عليكم .. يا امي انا جيت
" وَضعت الحقيبه وذهبت لِ تُبدِلْ ثيابِها "
الأم : عليكم السلامْ
كيف كان نهارك بالمدرسه ؟؟
البنت : منيح بس تعب ما ضل فينا حيل لنفهم من كتر المعلومات
لحظه لأفرجيكي شو درسنا .
" ذهبت ووجدت ما لم تتوقعه "
البنت : لك شو بتعمل بشنطتي !!
الأخ : ما الك دخل بدي اشوف شو فيها ..!
البنت : ولو كل هالقد شايفني غلط ؟؟!
الأخ : اممم ما بعرف بس لازم أعرف شو فيها .. انتي غلط انتي صح افتش وراكي أأمن !!!



وَمواقف عَديده نَراها وَنسمع بِها وَنكونْ بِها لِ تَهِزْ الذّاتْ وَ لِ تُحدِثْ شَرخْ بِ الشَخصيّه
فَيجعلها غَريبه لا تَثقْ بِ أحدْ بِسهولَه في هذا المُجتمع .

فَبرأيكم

1 . ما هيَّ الصِفاتْ الّتي تَجعلكْ " تفتحْ قلبك " وَتبوحْ لِ شَخصْ ما على أسرارك ؟
2 . هَل الثَِقه صِفه مُكتَسبه مِنْ المُحيطْ الّذي نَعيش بِه ؟؟
3 . " فاقِدْ الشيء لا يُعطيه " برأيكم هل فاقدْ الثِقه بِ المُحيطينْ بِه يَستحِقْ أنْ نَمنَحه الثِقه ..؟
4 .هلْ يَستِحقْ خائِنْ الثِقه فُرصه ثانيّه وَلِماذا ..؟ وَ بِرأيكْ هلّ تعودْ العِلاقه بِالكَكّ الّذي كانتْ تَحتويه مِنْ ثِقه ..؟
5 . هل مَررتْ بِموقفْ جَعلكْ تُنهي علاقه كامِله بِسببْ مَنحكْ الثِقه لِ شخص لا يَستحِق .؟

احترامْ