11-27-2008, 03:28 AM
|
#1
|
|
× ضمني يإآكل آلحنإآن ×
|
بيانات اضافيه [
+
]
|
|
رقم العضوية : 2
|
|
تاريخ التسجيل : 28 - 9 - 2008
|
|
أخر زيارة : 03-16-2012 (03:58 PM)
|
|
المشاركات :
4,840 [
+
] |
|
التقييم : 22
|
|
|
لوني المفضل : Cadetblue
|
|
شاب فقير يخطب بنت عمه الملونيره
أخواني أعضاء وزوار منتديات حلاآ البناات الكرام
هذه قصيدة وجدتها في أحد المنتديات أعجبتني... وأضحكتني... وآلمتني.... في نفس الوقت
أعجبتني بسبب براعة كاتبها الذي وظف أدواته الشعرية أحسن توظيف وأختار لكل مفردة مكانها ووزنها وإيقاعها
أما لماذا اضحكتني >>>>>بسبب طرافة الحوار الموجود بها
وسببت لي الألم من الواقع الذي يعيشه الشباب الآن , والذي لا يخفى على أحد
أنها قصيدة لشاب فقير جاء يخطب ابنة عمها لمليونير ,فزاد عمه عليه المطالب فقال هذه القصيدة
إليكم ماجاء فيه::
7
7
7
7
7
سبحان من يرزق بتوع الملاييـن
الرازق اللي ما يخيب الرجـا بـه
لي عم عنده معـرضٍ للصواليـن
أموت واعرف بس من وين جابـه
وإذا سألته قـال بعـت الدكاكيـن
ما يدري إني ما هضمت الإجابـه
الشاهد إني رحت له قبـل يومين
في قصره العامـر ودقيـت بابـه
قال ارحب ارحب عدّ ورد البساتين
يا مرحبا باللـي لفـا يـا هلابـه
قلت البقا عـدّ النفـل والرياحيـن
يا شيخ شمل اهل الكرم والذرابـه
قال اسم الله يحفظك لي من العين
وآمر أوامر حضرتـك مستجابـه
قلت الصراحة طالبٍ قرب غاليـن
ودي تزوجنـي كريمتـك يـابـه
ثنّى وقال اهليـن والله وسهليـن
والكون ترخص لجل عينك رقابـه
لكن ترا عندي شـروط وقوانيـن
قلت اشرط اشرط يا حبيب الغلابـه
قال أولاً مهر العروسـة ثمانيـن
غير الرسوم وغير حق العصابـه
والثانية عمك يبي منـك سبعيـن
رسم الأبـوّة والنسـب والقرابـه
وام العروسة حقها منـك ستيـن
عشانها ست الحسـن والمهابـه
واخوانها كلن يبي منـك خمسيـن
عداً ونقـداً تنـدرج فـي حسابـه
وخواتها الخمس اعطهن من ثلاثين
عشان تتوثـق عـروق النسابـه
وتجيب طقم عيار واحد وعشريـن
وخاتم من الماس المصفى ترابـه
واكياس متروسة كعوب وفساتيـن
ألوانهـا واشكالهـا مـا تشابـه
وموتر بسواقـه وفيـلا بدوريـن
أثاثهـا مـن بطرتـه ينحكـابـه
واحجز لنا قاعة بقصر السلاطيـن
واحجز بهـا رقاصتيـن وربابـه
وامنع دخول اهل اللحى والبزارين
واعزم أميـر المنطقـة بالنيابـه
هذي الشروط اللي على بالي الحين
وذكرني اللي ما حسبنـا حسابـه
قلت اذكر الله يا عـدو المساكيـن
واستغفـره لا يبتلـيـك بعـذابـه
الظاهر إنك منت عارف أنا ميـن
أنا لو ارقا فـوق متـن السحابـه
ما جبت حتى نص درزن مواعيـن
واضحك بكيفك واعتبرهـا دعابـه
شروطكم هذي شـروط المجانيـن
شروطكم شغـل ابتـزاز ونهابـه
شروطكم تقصم ظهـور البعاريـن
شروطكـم همّـن وغـم وكآبـه
شروطكم والله سيوف وسكاكيـن
تذبح بنات المجتمع مـع شبابـه
وين الرضا والعطف واليسر واللين
اللي ذكرهـا الله بمحكـم كتابـه
وين الصفات اللي أمرنا بها الديـن
وين اختفى نهج النبي والصحابـه
يا عم جعل اللي خلقنا من الطيـن
يرد عقلك مـن خطـاه لصوابـه
ويجعل نصيبي عند غيرك قل آمين
ويحسن عزا الصابر ويجزل ثوابه
قال انت لو فكرت تفكير صاحيـن
ما شفت في مجمل شروطي غرابه
حنا بعصـر العولمـة والمزاييـن
ماهوب عصر الفلسفة والخطابـه
الناس تسعى للرتـب والنياشيـن
وانت اهتمامك بالشعـر والكتابـه
والشعر ما ينفعك لو هو دواويـن
ما دام جيبك مثـل بيـت الخرابـه
يا بوك لا تسمع كلام المصاخيـن
واسأل مجرب عاش في وسط غابه
قلت الله اكبر يا محـرر فلسطيـن
من يسمعك يحسبك ذيـب الذيابـه
تراك شايب راس مالـك رياليـن
والبنت ما تسوى جنـاح الذبابـه
قال انقلع مالت على وجهك الشين
لا عاد اشوفـك عندنـا يالزلابـه
قلت ابشر ابشر لكن الباب من وين
واقفيت من عنده على صوت بابـه
ههههههههههه
تقبلو مروري
ميشووو
ahf trdv do'f fkj uli hglg,kdvi
|
|
|
Goool A7bkk Ybtsm 3alm 5yalii W A7lm Enii Malk El Dnya L7aaly
 .gif "(139)")
|
.gif)
العرض العادي
