مع أشرآقت يومن جديد طمر بندر من النوم على شي سوآهـ مو زين
<< يعني لآتحرجوني والله مآدريت
<< لمن صحيت وأنا عاملها يووووووهـ لحد يحرجني
بالعربي سويت أززززززززززز على فرآشي << يقولها وهو مستحي
المهم قمت وأناظر ترا أحد فيه خايف يشوفوني
لكن الحمد لله الناس كلها رآحت للمدرآس
وأمي رآحت للغنم تضرمها وأبوي رآح للعمل
يعني لحالي
والله وأقوووم بسرعه وأروووح أغسل نفسي وألبس هدوم جديدة
وأمسك فرآشي وأكفته كله في الغسالة وأكب عليه كرتون تآيد الكبير أبو 14 ريال
<< طبعا أنا ماعلي من أهلي أنا أكثر شي أخاف منه ان الخبر يوصل لأبو شآكوش << صديقي منذ الصغر
أخاف يوصل له الخبر ويقعد يعيبني قدآم عيال الحارة
لأنه مرة كنت جالس معه وشوي كذا ألا وهو >> فآك صآروخ مدمر أبو ريحة << عاد وأنا مسكتها عليه
ومآبي يمسك علي شي
المهم الوضع مشى تمام ولله الحمد
وبعد مآسيطرت على الوضع طلعت من البيت ورحت لصديقي أبو شآكوش
طق طق طق طق طق قط << أدق الباب وآخر دقة بيدي بالمقلوب
فتح الباب صديقي أبو شآكوش : يآمرحبا ترحيبتن توصل 4999 ألا وآحد
انا : مصافح يده وأسلم على خده >> كيف الحال وشلونكم
وأمطخه على خشمه << بس طلع مزكم
المهم شوي ألا وصوت صرآخ أم صديقي
وأنا مليون علآمة أستفهام فوق رآسي
أم صديقي أبو شآكوش مآسكه بنتها وتقول : لك يالمفعوصة يآشرنه ياقليلة الترباية ليش مآكنستي البيت
أبو شآكوش : بندر مآعليك منها ترآ الوالدة توها شايفة باب الحارة ومتأثرة من أم زكي وسعاد خانو
هيا بس خلنا نروح نفطر
أنا : لآ يشيخ لو خليتها تونة بالدجاج أحسن
أبو شآكوش : يآخي مافيها شي مو دايم يسوون بيض بالجبن أكيد برضوآ يسوون شكشوكة بالبطاطس << والله أنه منسم وبآيعها برخيص
المهم أفطرنا ولله الحمد
ولمن طلعنا من البوفيه الا ورع أسمه عزوز مشتري سيكل جديد ويتعدى من عندنا يبي يقهرنا
وحنا نحس بها في كبودنا من القهر كل وآحد فمه يقطر نبي نلعب سيكل من زمآن عنه
انا : صديقي ألحقني نروح له يمكن يعطينا دورة لكل وآحد منا
أبو شآكوش : مشينا
ونروح له ونحاول فيه ونجيه يمين نجيه يسار مرة رفض مايبي يلعبنا معه
ونروح ونجلس على دكة عندنا في نص القرية
ونناظرة لمن يجي لين عندنا ويرجع << يقهرنا أبن اللذين
وآخر مرة خليناه لين يجينا وحنا نتكلم بصوت عالي
أبو شاكوش : بندر فيه بعض الناس شوي والله مآألعبهم كورة لوريك فيهم
انا : وأنا مثلك الليلة في السهرة والله مآيلمس يد البلايستيشن ولآيحلم باللعبة
شوي ألا عزوز جآينا : سلآم يآأحلى أصدقاء في الدنيا كم عندي بندر وأبو شآكوش أنا << عرفناله والله
والله ونسوي قرعه وجات علي أني ألعب أول وآحد
وأركب الدراجة وقالو لي لك خمس دقايق وترجع >> أيه هين دوروني
والله وأنطلق وآخذ نص سآعه مآجيت أفرفر في هالشوارع ولمحت شي في شارع عندنا مآصدقته
لمحت نآنسي عجرم ضآمه عبدالرب ادريس وتقوله :
أنتبه .....!
لآتفسر كل صمتي لك جفآ ..
بعض الغلا مآيشرحه غير السكوت ..
وعبدالرب أدريس يرد عليها :
عودتي دنيتي من أحبه يختفي ...!
لكن أنا من عادتي من أعزه مآينسي ...!
طبعا فتحت عيوني طبقتها فركتها بيديني وفتحتها من جديد
حطيت رآسي من تحت رجولي طسيت نفسي كف ضربت رآسي في برميل زبالة
مآآآآآآآني مصدق عبدالرب ونانسي يحبووون بعض
أنا اللي هو أنا أحسن من عبدالرب أدريس >> فطومه ماعطتني وجه
وهذا نانسي متعلقه فيه << والله دنيا حظوظ
المهم مشيت ولمن مريت من عند بيت شيخ قبيلتنا الا وسيارة أبوي وآقفة عنده << غريبة ؟؟؟
والله وأسفط السيكل وأدخل عليهم
يوم جيت وأبوي طايح قصايد في الشيخ << يبغى يآخذ قطعة أرض من عندهـ
المهم قال الوالد : يآشيخ ياللي مآتهاب البعآرييييييين
<< الله من الخرطي والله قمت وتركتهم عرفت أنها قصيدة مصلحة
والشيخ فآآآآق خشته على آخر درجة شكل أبوي أول وآحد يمدحه
بالله عمركم شفتوآ شيخ يصلي بفنيلة وسروال سنة
المهم أن أبوي أخذ اللي يبغآهـ وعلى طول مشى << وش عاد يبي
والله وأركب السيكل ويوم نآظرت وراي ألا أبو شآكوش معه حصى ويطآردني
أبو شآكوش : تعال يآكلب يآحمار أنا قلت خمس دقايق مآقلت سآعه
وأنا أدعس ومغمض عيوني أحتري متى الحجر يصكني في جبهتي << أحتري = أنتظر
ومن سوء حظي طلع التيس لجدي << مآيمديكم على قصيدة كذا
والله وأقوم وأنا متكسر وأناظر في خويي أبيه يساعدني ألا وهو أخذ السيكل وجحدني جحدة الله وكبر
والله قمت ونفظت الغبار عني ورحت لعزوز لعبت معه لين أذن الظهر
وأبو شاكوش مآشفناه << الظاهر صدم تيوس القرية كلها
عزوز : بندر خلاص شوي وزعوني شوي العصر معك أبغى العب في فريقك
انا : هههههههههههههههههههه هههههههآآآآآآي أصلن ضحكنا عليك أبو شآكوش كورته أنشقت من زمآن
وهو يطردني يطرني لين دخلت البيت وأقفل الباب
<< طبعا نسيت التيس اللي صدمته حق جدي ورآح من بالي نهائيا
.png "(165)")
.gif){kind=icon}
العرض العادي
