منتدى حلا البنات - منتديات بنات

01-20-2012, 11:23 AM

صباح & مساء العسل

أخباركم

المهم منتدى حلا البنات أكثر منتدى فيه تفاعل على الروايات فقلت أنزل روايه

بس بلييييز أبي توقعاتكم لأنها تساعدني في كتابه الروايه

وما أحلل أي أحد ينسبها بإسمه إلا مع ذكر المصدر

المهم روايتي عن بنات مع بعض على طول مع العلم إنهم بـ السعوديه { الرياض } و أبطال قصتي 4

بطلات .. { من التهميدي مع بعض } & { أولى متوسط }

جود { بطلتي1} :ـ سمرا شوي مو سمينه ولا نحيفه هي أكبر وحده من خواتها عندها إخت بثالث إسمها نجود و أخو بـ خامس إسمه خالد و الباقي تعرفونه في الأحداث ...

ريم { بطلتي 2} :ـ
سمرا شوي و مو نحيفه و لا سمينه هي أكبر خواتها و عندها إخت [ ربى ] بـ ثالث إبتدائي و أخو [ عبد الله ] بـخامس إبتدائي و أخو { سعود } عمرها سنتين ... و لباقي تعرفونه في الأحداث ...

شهد { بطلتي 3 } :ـ
بيضه شوي مو سمينه شفايفه صغيره و دبدوبه شوي ومع القلوس تتطلع خيال عندها أخو بـ5 إبتدائي [ عبد الله ] و إخت صغيره مرا [ جوري ] و هي أكبر وحده والباقي تعرفونه من الأحداث ...

نوره { بطلتي 4 } :ـ
بيضه و طويله و نحيفه << ما شاء الله >> عندها أخو بأولى ثنوي [ محمد ] و أخو بثالث إبتدائي [ عبد الرحمن ] << تسميه حمني >> و هي بنت وحيده أمها مهتمه بدراستها بقوة حتا الفنيه تعطيها وحه بس نوره تسلك لـ أمها و تقول إيه فهمت و بسوي و بحط بس إذا راحت المدرسه ولا شيء من ذا الكلام و الياقي تعرفونه في الأحداث ...

------------------------------------------------------------------------------------------------

قامت على صوت أمها :ـ يما نوره قومي بتتأخرين !
نوره :ـ طيب .
قامت نوره و شافت جوالها الساعه 6 قالت بدري بلبس و بعدين أقعد على البي بي و أكيد جود و ريم و شهد مو جودين ..
لبست نوره و سوت شعرها ذيل حصان و القصة بطوق بني .. و نزلت ومعها جوالها أمها بغا يوقف قلبها أول ما شافتها
قالت :ـ نوره بتاخذين جوالك
نوره : صباح الخير و باست راس أمها وأبوها
أبوها :ـ صباح الفل يا أحلى بنت في الدنيا
نوره كبست ( رمشت كم رمشا ورا بعض )
أم نوره : خلصت هررج إنتٍ و بنتك .
أبو نوره إي خلصت والحين ببطلع .. نوره حبيبتي ترا اليوم أنا بجي أخذك .
نوره : أوك بابا
ام نوره : ليه منزله الجوال
نوره : بقعد عليه بدري
نرل حمني { عبد الرحمن }
حمني : لا مو بدري إمشي ترا بخلي السواق يمشي
نوره : هف طيب بس أحط في البي بي سكول تايم
حطت نوره و طلعت
----------------------
في بيت جود

نجود : جودي حياتي قومي .
جود و بصوت كله نوم : نعم
نجود / يلا قومي
جود / نجود لسا بدري إطلعي
نجود / جود ما أبي أتأخر من أول يوم بليز بلييز
جود إذكرت شهد ( دايم تقول بليييز بلييز و تكبس )
جود / هههههههههههههههههههههههههههه
نجود / خير قلت شيء يضحك ؟
جود / لا ولا شيء بس إطلعي براً وبقوم الحين !
نجود / أوك باي بس قومي
جود قامت و لبست المريول و ربطه شعرها ذيل حصان وحطت طوق بني << الشله كلها بتسوي كذا متفقين >>
نزلت جود : هاي دادي و باست راسه .
بعدين راحت عند أمها :ـ هلا و غلا بأحلى أم و أحسن أم بالدنيا و باست راسها
خالد / و أنا و نجود ما في سلام لنا ؟
جود / أقول مفروض إنت تقوم تبوس راسي و تسلم مو أنا
نجود / أقول يلا إمشوا
جود / بابا وصلنا اليوم !
أبو جود / من عنوني بس يلا إمشو .
و راحت المدرسه
----------------
و نفس الحال لـ ريم و شهد .

وصلو المدرسه جود و نوره مع بعض و سلمو على بعض و ضمو بعض بعدين راحو يقعدون ورا مبنا المدرسه ( مكان الهبال حقهم ) و يسولفو

نوره / جودي ـي ـي طفش .
جود / أول شيء أحد يقعد معا جود و يطفش ثانيا تونا قاعدين ثالثاً عندي فكر هبال نسويها اليوم
نوره / وش الفكره بليز جودي بسرعه تكلمي
جود / إنا لله و إن إليه راجعون بدأ موال اللقافه .
نوره زعلت و لفت وجها
جود لفت و جه نوره عليها
جود / نوني مو تزعلين بس إذا إكتملت الشله أوعدك أقولك أوك ( تتكلم بدلع )
نوره / جودي
جود / هلا
نوره / محد قالك إنك تصلحين دلوعه !
جود / لا ليه أصلح ؟
نوره / لا أبداً بس يوم تدلعتي قلت ذي ميين قالها تدلع .
جود لفت و شافت شهد و تقوم تركض و تسلم على شهد و ضمها بعدين سلمت شهد لنوره و أول ما خلصو جت ريم إستلموها
نوره / بنات اليوم جودي عندها فكره نهبل فيها !
ريم / يوه جودي إشتقت للـ هبالنا
جود / طيب اليوم بوريكم الهبال جد ( و تقولها بدلع عشان تقهر نوره )
نوره / جود زفت ما قلت لك لا تدلعين !
جود / يب يب قلت لي بس مو أي شيء تقولينه لازم أنفذه ( بدلع )
نوره عصبت / طيب خلصي قولي الفكره .
شهد / بنات أول يوم لنا في المتوسط و نهبل حرام وش رايكم نعطيهم أول أسبوع إنا مثاليات بعدين نقلب ?
ريم / فكينا
نوره / جد خل من البدايه عشان يعرفونا
جود / أقول الفكره و لا .
نوره / قوليها << نوره و لقافتها >> هع
جود / إذا طلعنا فسحه و باقي شوي وترن نجي هنا و نقعد لين الحصه الأخيره وش رايكم ؟
شهد راحت عند جود ولمست جبهتها
جود / خير إن شاء الله وش فيك
شهد / من أول يوم
نوره / ججودي ما عليك منها إدنن الخطه
جود / عشان نعرفين إحم إحم
نوره / لا يكثر .
ريم / بنات أنا موافقه .
نوره / وأنا
شهد / خايفه .
جود / يا ربي شودي حياتي كم مرا سويناها في الإبتدائي و لا صار شيء
شهد / بس هنا غير
جود / لا غير ولا شيء ها تجين معنا
شهد / إممممممم
نوره / خلصي
شهد / بجي معكم بس إذا صار شيء يا ويلكم
و رن الجرس و راحو الفصل

----------------------------------------------------------------------------
معلومه

إسم البنت = صفتها = دلعها

جود = هبله = جودي
شهد = خوافه = شودي
نوره = ملقوفه = نوني
ريم = مشكل [ يعني من كل شيء ما خذه ] = لعها ريمتي

-------------------------------------------------------------------------

بلييييييييييز بنات أبي ردود + توقعات + جاوبوني على هذي الأسئله :

* وش أخرت هبال الشله ؟
* بينكشفون ؟
و توقعات بلييييييييييييز

fJJkJhj hgJlJjJ,s'm