من فيكم صحا بيوم من الايام ولقى احد من عيلته يقط خيط وخيط المختصر...
فيوم من الايام صحينا لقينا عميد العيلة اللي هو جدي شاري برسيم من السوق
طبعا نقز ابوي وقاله وش انت شاري ما عندك غنم ولا بعارين وشوله البرسيـــــــــــــم
قال ابي أاكل هالهرش .....؟؟ وش الهرش ياجدي قال السيارة تخيلوا وجيهنا ذيك الساعة
قعدت اضرب نفسي حسبالي بحلم صابتني حالة هستيرية من الضحك والاستغراب بنفس الوقت قلت اكيد ان الشايب داخله برد ويهذري بس لما صار يشوف ناس تطير وفضحنا كل ما زارنا احد يقول يبون يسرقوني قلنا بس اكيد هذا فيروس الخرف
المصيبة شكلها تعدي وحدة من جماعتنا لقوها عيالها تطبخ غداء ولمين لزوجها اللي ميت له سنين كنت اتمنى زمان لما اسمع عن المخرفين وحركاتهم يصير عندنا مخرف بس لما صار عندنا مخرف اكلناها..
الصراحة انا ما كتبت الموضوع هذا ونزلته بقسم النكت عشان اضحك عليهم او شئ بس مالقيت قسم تصلح له هالسالفة
وصعب علي حالهم تخيلت نفسي مكانهم صعب الواحد يرجع كأنه طفل لازم تصير عليه مراقبة عشان ما يأذي نفسه بس بغيت اعرف في احد منكم يعرف احد صابه هالفيروس؟؟؟
.png)
العرض العادي
