SEO by vBSEO 3.3.2 ©2009, Crawlability, Inc.
رواية عيونك جنة دنيتي
 

 

 

 

 

 




العودة   منتدى حلا البنات - منتديات بنات > المنتدى الادبي > قصص واقعية - قصص بنات حب - قصص 2013


قصص واقعية - قصص بنات حب - قصص 2013 قصص حب, قصص واقعية قصيره, قصص واقعية عن الحب, قصص بنات حب 2013, قصة حب, قصص عشق

Tags H1 to H6

منتدى حلا البنات - منتديات بنات

رواية عيونك جنة دنيتي

رواية عيونك جنة دنيتي

رواية عيونك جنة دنيتي

قصص حب, قصص واقعية قصيره, قصص واقعية عن الحب, قصص بنات حب 2013, قصة حب, قصص عشق



إضافة رد
 
LinkBack أدوات الموضوع انواع عرض الموضوع
  1  
قديم 07-11-2009, 09:41 AM
maryam alamiri
 
رواية عيونك جنة دنيتي


ترى الروايه منقوله انا قريتها وحبيت انتو بعد تقرونها لانها روعه عن جد
..الـجـــــــزء الأول..
بأول القصه بنكتب تعريف لشخصيات هذه القصه
ابوطارق له خمسة أولاد وبنت وحده الأول طارق...34سنه وهو الاكبر متزوج بنت خالته وعنده ولدين (عبدالله اربع سنوات و راكان سنه ونص)
فيصل...29سنه هو الأخ اللي الكل يحبه بطيبة قلبه وحنانه كان الكل يرتاح له بهدؤه وكلامه الموزون
محمد...26سنه هو اللي كان شوي مختلف عن اخوانه بطيشه واستهتاره ولايراعي تصرفاته
زياد...24سنه يدرس برا
آخر سنه وبيرجع على آخر الترم الثاني
فيراس...20سنه في ثالث ثانوي والمفروض يكون بالجامعه بس كل سنه يرسب لأنه مايحب الدراسه
اروى آخر العنقود تدرس في ثالث ثانوي وهي البنت الوحيده المدلعه عند أمها وابوها

ابو خالد وعنده ثلاث اولاد وثلاث بنات الاول
خالد...30سنه هو اللي ملتزم وشوي معقد
حمد...28سنه طيب واللي يعرفه على طول يحبه صديق فيصل المقرب
نوال...23سنه خلصت جامعه وجلست بالبيت
ريناد+ريم..توأم بأول جامعه بس اللي يشوفهم مايقول خوات لأنهم مايشبهون لبعض
مشعل...2متوسط آخر العنقود

(وابو خالد وابو طارق جيران)
{وشخصيات نتعرف عليها له دور بالقصه}.. ونبدأ ,,,,,,,,,,,,,,,,,,,,,,,,,,
,,عـيـونـك جـنـة دنيـتـــي,,
يوم الأثنين الصباح
أم طارق..محمد..يامحمد الله يهديك بس قوم اووه بس متى بتخلي عنك هالسهر يالله تأخرت على دوامك قوم

محمد..يايمه ماني رايح اليوم بنام
ام طارق..نعنبوك يومين مارحت تبي تزعل ابوك يالله قوم انا نازله اجهز لأبوك واخوانك الفطور وانت قوم
..........................
ام طارق..ياابو طارق حال محمد ترى ماهو عاجبني كل ماله واردى اليومين اللي راحو ماراح لشغله بس يعتذر مره يقول تعبان ومره يقول خلاص بترك الشغل

ابو طارق.. وش تبغيني اسوي ياام طارق ماهو صغير اهاوشه والا اضربه عشان يتعدل الحين هو رجال ويعرف مصلحة نفسه

فيصل..صباح الخير يبه صباح الخير يمه

ابو طارق..هلاهلا صباح النور
ام طارق..صباح النور والسرور
هلا فصول يمه تعال كلك لقمه
فيصل...لاتسلمين يايمه بس انا تأخرت على الشركه وانتي تعرفين مافي احد يسنعها الا ابوي عسى الله يطول بعمره وطارق وانا والا محمد.....الله يهديه بس
ام طارق..آمين يارب

اروى...صباح الخير لأحلى أم وأبو بهالدنيا

ام طارق..هلاحبيبتي صباح النور
ابو طارق...هلا اروى

فيصل...يالله فمان الله
اروى..فصول لحظه وصلني معك للمدرسه
ام طارق..والفطور يابنيتي
اروى..لايايمه مابي بس يالله بااااي
ام طارق...بحفظ الله يابنيتي
عسى أنشالله يارب ماافرح فيكم كلكم

ابو طارق...أنشالله..يالله وانا بعد بروح ومتى ماقام ولدك وراح دوامه قولي له يجيني بمكتبي ابيه

ام طارق...انشالله يابوطارق
ابو طارق...مع السلامه
.....................
محمد...صباح الخير يمه
ام طارق...صباح النور بدري ماودك ترجع تنام

محمد...افا الحبيبه مسويه زعلانه....ولاتزعلين لعيونك نروح الدوام اليوم
ام طارق...ماابي تروح لعيوني ولالعيون الجيران
هذي مصلحتك
محمد...ليش الجيران عندهم بنات حلوين
ام طارق..محمد هاااوو اعقل عيب عليك تراهم مثل اهلنا
محمد...ههههههههههههه امزح معك
ام طارق...عقبال اانشالله ربي يهديك وافرح فيك وبعيالك يارب
محمد...وشدعوى الله يهديني وش شايفتني بزر ابو خمس اسنين
ام طارق...محمد وجع في احد مايبي ربي يهديه

محمد...لالامافيه بس الله يطول بعمرك صبي لي قهوه
ام طارق...يالله بصبها لك بكوب عشان تأخذها معك لأن ابوك يبيك
محمد...ابوي يبيني ليه?!
ام طارق...زعلان منك...لاتنسى انك مارحت يومين للداوم
محمد...طيب هو راح لشركه?!

ام طارق...ايه هو وفيصل
محمد...الله يعين بس خلاص مابي قهوه يايمه تسلم ايدك
ام طارق..طيب خذها معاك
محمد...لابس يايمه انسدت نفسي مابي ...مع السلامه
ام طارق...مع السلامه
,,,,,,,,,,,,,,,,,,,,,,,,,,,

طارق..محمد مابغيت تشرف
محمد..لحووووول
السلام عليكم
طارق...وعليكم السلام اليومين اللي راحو وشفيك ماجيت
محمد..كنت تعبان
طارق...تعبان وانت مع شلتك الفسقانه هذي بالاستراحه

محمد...طارق واللي يرحم امك ان كان تبي تفتح لي وحده من محاضراتك هذي فكنا تكفى زين
طارق..ابوي يبيك روح له.....
وبعدين تعال كلمه بهدؤ مو مثل كل مره
محمد..اي اوامر ثانيه??

طارق..سلامتك ومع السلامه
.......................
كمنجه...السلام عليكم استاز محمد عامل ايه دا حنا اشتأنلك اوي
(كمنجه صباب القهوه عند ابوطارق)

محمد...هلاكمنجه انا بخير وانت شخبارك
كمنجه...انا الحمدالله...استاز محمد
محمد..نعم
كمنجه...سعادة البيه والداك ابو طارق عايزك
محمد..هههه اشوف كلن داري ان ابوي يبيني مابقى الا كوفي عنان يدق علي ويقولي ابوك يبيك

كمنجه..بتؤل ايه حضرتك
محمد...اقول سلامتك يبو وسلم لي علي عيالك واهل مصر هاه ولايكثر
كمنجه..دانتا بتؤمر يااستاز محمد
...........................
محمد..السلام عليكم
..... وعليكم السلام
محمد..سعد ابوي موجود
سعد..ايه تفضل عنده
...............
محمد..السلام عليكم
ابو طارق...هلاوعليكم السلام
محمد...شخبارك يبه انشالله بخير
ابو طارق...حمدالله وانت شخبارك
محمد..انا الحمدالله بخير....سم طال عمرك قالو لي انك طالبني
ابو طارق..ايه ليش ماشفناك اليومين هذي بالداوم
محمد..(بينه وبين نفسه تورطنا)

ابو طارق... قالو لي انك تعبان سلامات
محمد...لا الله يسلمك مافيني شي بس صداع بسيط واليوم احسن انشالله(وبينه وبين نفسه لويدري وين كنت كان علوم)
ابو طارق...ايه سلامتك بس ابيك تستلم دوام اثنين من الموظفين اللي غايبين اليوم
محمد...وانا وش دخلني ماعلي منهم

ابو طارق بعصبية..وشلون وش دخلك انا ابوك وآمرك
فاهم
محمد...سم
ابوطارق...شوف يامحمد موبعشان الشركه ملك
لك ولأخوانك والراتب يجيك بالراحه تتغيب على كيفك وتحضر على كيفك ولاوبعد ماتبي تشتغل
محمد..يايبه انا مو هذا
قصدي..انـ..
ابوطارق..محمد لاتعذرلي
محمد...سم يبه آي اوامر ثانيه
ابوطارق..سلامتك

محمد بينه وبين نفسه وهو طالع...انا الغلطان اللي ماخاويتك يازياد يوم كنت تلزم علي ذيك الآيام
,,,,,,,,,,,,,,,,,,,,,,,,,,,
وفي بيت ابوطارق
أروى..السلام عليكم
ام طارق...وعليكم السلام ورحمة الله وبركاته...هلا
اروى حبيتي شخبارك
اروى..الحمدالله

ام طارق...تأخرتي
اروى...لاماتأخرت بس جلست استنى فصوول
ام طارق..فيصل والا فيراس اللي جابك
اروى..لافصوول(ويدخل فيصل)..الطيب عند ذكره
ام طارق..هلافيصل

فيصل..شخبارك يمه
ام طارق..حمدالله...ترى طارق وعياله بيجون يتغدون عندنا
اروى..صدق مشتاقه حيل لعبودي وراكانوه..طيب وامهم

ام طارق...لاندى عند خالتك
فيصل..يالله انا رايح اخذ دش سريع و اغير وانزل

اروى..وانا بعد بغير وانزل...
يمه تراني هلكانه جوع
ام طارق..زين خلاص بس يجون ابوك واخوانك نحط الغداء
ام طارق..ريتا......ياريتا

ريتا..نعم ماما
ام طارق..يالله جهز غداء عشان بابا ابو طارق يجي الحين
ريتا...طيب ماما

فيراس..هلايمه
ام طارق..هلاحبيبي فيراس شخبارك
فيراس..حمدالله وانتي وشخبارك
ام طارق..حمدالله..بشر اخبار المدرسه
فيراس...والله ماشي الحال
(ويدخل عبدالله ولد طارق)
عبدالله...السلام عليكم جدتي
ام طارق...هلاهلا بعيون جدتك انت
طارق..هلا يمه
ام طارق..هلافيك طارق ادخل ادخل
طارق..يالله
ام طارق...راكان وينه?!
ابو طارق...راكان مع جده ...السلام عليكم
ام طارق..هلا وعليكم السلام هلا ابو طارق

طارق..ترا عبدالله وراكان ذابحينا انا وندى نبي نشوف جدتي وجدي وعمو فيراس واروى
فيراس..يحبون عمهم فيراس
طارق..ايه بس لايطلعون عليه
ابو طارق+ام طارق...هههههههههههههههههههههههههههه
ابو طارق...يالله بروح اغير ملابسي ونتغداء

ام طارق..انشالله بس محمد وينه
ابوطارق..محمد سلمته شغل اثنين من الموظفين اللي غايبين والحين بيجي

ام طارق..اجل الغداء جاهز
,,,,,,,,,,,,,,,,,,,,,,,,,,,,
وفي بيت ابو خالد
نوال..يمه انا وخواتي حطينا الغداء
ام خالد...خلاص الله يعافيكم انا بنادي ابوك وخالد وبنجي الحين
ريناد..ومشعلوه وينه?!
ريم..وينه يعني بغرفته يلعب بالبلاستيشن

نوال..ريم روحي ناديه
ريم...وليش يعني انا والا ريناد مرفوع عنها القلم

نوال...ريمووه قومي وبلا فلسفه زايده
ريناد..الغيره ذابحتك مني
ريم...مالت عليك وعليها وبعدين ليش اغار وانا احلى منك
نوال..بتنادينه والالا
ريم...بناديه وامري لله (وتهمس ريم لريناد)
ياعسى ربي يجيبلك الرجال اللي ياخذك ونفتك منك
ريناد..آميييين
نوال..سمعتكم...حتى لويجيني مابوافق بجلس عله على قلوبكم
.........................
(وفي غرفة مشعل)
ريم..مشعل حطينا الغداء مابتجي

مشعل..ريمووه ضفي وجهك عني ماابي غداء

ريم...مشعلوه ترى خالد تحت لاتخليني اناديه

مشعل...طيب طيب جيت بس فكينا من التعقيدات

ريم...مايعرفلك الا التعقيد انت وجهك وبعدين تعال عسى بتنزل وانا لابس هاللبس

مشعل..ليه عمتي ريم موبعاجبك

ريم...لاعاجبني بس فيه ناس تحت مايعجبهم
مشعل وهو يغني..انت منهم وش عليك وانا منهم وش عليا

....................
ابو خالد...يالله ريم يابنيتي تعالي اجلسي
ريم..سم يبه
خالد...مشعل وش لابس انت
ريم بهمس..ماقلتلك
مشعل..لابس ثياب اجل وش لابس
خالد...لاتستخف دمك علي
شنو هالصوره اللي في بلوزتك

مشعل..ايه هاذي صورة سبايدر مان

خالد..اشوفها مره ثانيه عليك اقص رقبتك فاهم والالا
مشعل..لا الا القص خلاص ماحنا بلابسينها مره ثانيه

ابو خالد...خالد اترك اخوك يتغداء
نوال...ريم قومي ردي عالتلفون
ريم...(تناظر نوال بحقد)
مشعل..لاانا بقوم ارد احسن لي من التعقيد
ريناد+نوال+ريم...هههههههههههههههههههههههههههههه
ريناد..اقول يمه حمد وينه
خالد...ليش حمد عاده يتغداء معنا
ام خالد..مسكين تلقاه يداوم الحين
ام خالد..قايله وش تبغى بشغل المطار وغثاه

مشعل...يمه خالتي ام طارق تبيك عالتلفون
(ريم كانت تشرب ماء وشرقت فيه...كح كح كح
ريناد...إيه ام الحبيب
(طبعآ ريم تحب محمد من يوم كانت صغيره بس محد عارف غير ريناد واروى اخت محمد)
خالد بصوت قووي... اي حبيب

ريناد...لالااقصد الزبيب ريم تحب الزبيب

ام خالد...بسم الله عليك يابنيتي صحه

نوال..قولها تتغداء تكلمك بعد شوي
ام خالد..لالا انا الحمدالله شبعت بقوم اكلمها باغيتها بسالفه

,,,,,,,,,,,,,,,,,,,,,,,,,,,,,
وبالليل وفي بيت ابو طارق
محمد+فيصل..السلام عليكم
ام طارق...وعليكم السلام والرحمة
محمد...اشوف ام طارق جالسه لحالها
ام طارق..شسوي ابوك نايم واروى وفيراس يدرسون

فيصل...هاه يمه وش صار على اللي قلتلك عليه

ام طارق.. ام خالد وافقت وقالت مابنلقى احسن منكم

فيصل..صدق الله يبشرك بالخير
محمد..احم احم في واحد هينا فاقن خشته مايدري شسالفه

ام طارق...فيصل بيتزوج

محمد...ماشاالله صادق والله
فيصل..اجل امزح
محمد...طيب منهي سعيدة الحظ

ام طارق..نوال بنت ابو خالد
محمد...عالبركه مقدما
فيصل..الله يبارك فيك

ام طارق...فيصل باكر كلم ابوك وقوله عشان تروح انت وياه وطارق ومحمد الأربعاء تخطبون رسمي

محمد...وين رايحين نادي حنا لا طارق يكفي
فيصل..وشلون يعني ماانت رايح معنا
ام طارق..لابيروح
محمد..لامواعد وحده من البنات....اقصد واحد من الشباب (رحنا فيها)
ام طارق..اي بنات..?!
فيصل..وهالوحده او الواحد اغلى من اخوك
محمد...يعقبون مايجون اظفر من اظافر فصوول اخوي

فيصل..اجل بتروح معنا
محمد...انشالله
ام طارق..محمد اي بنات..?
محمد...اي بنات انا بس كنت اقصد شاليهات فهمتي يالغاليه (شاليهات ابو التصريفه اللي زي كيذا)
...يالله انا بطلع برا استنى واحد من اخوياي بيعطيني غرض
ام طارق..زين

فيصل...انتبهي لولدك يمه
ام طارق...شسوي الله يهديه بس
فيصل..يالله تصبحين على خير يمه
ام طارق..وانت من من اهله

,,,,,,,,,,,,,,,,,,,,,,,,,,,,,,
وفي بيت ابوخالد
ريناد..لحد الحين مانمتي
ريم..لا
ريناد..تفكرين بالحبيب صح
ريم..ماتصدقين وشكثر مشتاقه لمحمد

ريناد...دقي على اروى واسأليها عنه وارتاحي
ريم...دقيت ماترد

ريناد..اجل اطلعي بأخر الليل تلقينه توه راجع من مقهى والا من استراحه

ريم وتناظر ريناد بنص عين..ريناد فارقي

ريناد..بفارق بخليك تحلمين فيه هالمراهق

(ريم تفتح الستاره وتطل من الدريشه تلقى محمد واقف يتكلم مع رفيقه جاسم..
شفتـك...
شفتـك..قلبـي رجـف
وصــبري ضعــف**
شفتـك..
يـالهفة خـاطري
لوني تغير وانخطف
كـل كلمه انطقهـا وترد**
حتـى الكـلام
طعـمه اخـتلـف
وانـافي صمـتي اقـول**اللـه يـازين الصدف
حالـتي ياحالـتي
عيت الخطوه تطـوف**خـاطـري ولهفـتي
امـروني بالـوقوف
حاولت اصبر واثاري الشوق تحت رمشي**
حـاولت ابعد
واصـد عنـك..انا وامشي
بديت الوقت بحيره وصمت**
وانا في صمتي اقول..
**الـلـه يـازيـن الـصـدف**
وتنتهي الليله على ريم كلها حب ووله لحبيب عمرها وقلبها محمد)

,,,,,,,,,,,,,,,,,,,,,,,,,,,,,,

وفي الصباح وفي بيت ابوخالد الكل مجتمع عالفطور
ابوخالد..حمد ياوليدي وشلون الشغل معاك

حمد..والله يايبه وش اقولك الضغط لازال بس شنسوي خليها على الله

ام خالد..عسى انشالله ماربي يفتح بارب رزقك وافرح فيك وبااخوانك وخواتك يارب

ابو خالد...الحين ياخالد ياوليدي ماودك تكمل نص دينك وتزوج
خالد..لماأشواف خواتي كلهن ربي ساتر عليهن بالرجل الصالح ذيك الساعه ربي يكتب خير

مشعل بهمس...يعني ماراح نخلص

نوال+ريم+ريناد...ههههههههههههههههههههههههههههههه
ريناد..يالله يمه انا وريم رايحين الجامعه تامرون شي
ام خالد..امام عند الباب!?
(امام سواق ابوخالد)
ريم..ايه عند الباب

خالد بصوت عالي خافت منه ريم...ريم

ريم..هلاخالد

خالد..ثقلي غطاك ماابيه خفيف

ريم..انشالله مع السلامه

حمد..يالله مشعل قوم اوصلك
مشعل...قولولي بس منو اخترع المدرسه اففف
ام خالد..ههههه
مشعلوه قوم بس

,,,,,,,,,,,,,,,,,,,,,,,,,,,,,,
في نفس الوقت وفي بيت ابوطارق
ابوطارق...يالله ياام طارق انا رايح لشركه تامرين شي

ام طارق..لابس سلامتك
ابو طارق..العيال وينهم?!
ام طارق..راحو صار لهم شوي
ابوطارق..ومحمد
ام طارق...سبقك لشركه
ابوطارق..الله يبشرك بالخير
يالله اجل مع السلامه

ام طارق..مع السلامه بحفظ الله
.............................
المغرب وفي بيت
ابوطارق الكل على القهوه ابوطارق,ام طارق,اروى,طارق,فيصل,محمد,فيراس
................
ابو طارق..زياد متى بيرجع

فيراس..على نهاية الترم انشالله
ام طارق...يالله يارب ترجع لي وليدي سالم غانم
محمد...وشدعوى رايح حرب هو
فيصل..يبه
ابو طارق..سم ياوليدي
فيصل...سم الله عدوك يبه...ابيك بسالفه
ابوطارق..مافي احد غريب انا وامك واخوانك
فيراس..ياحليلك يافصول تستحي
طارق...افااا حنا اخوانك

فيصل..لالاخلاص بقول يبه انا...انا..
محمد..بتزوج
فيصل..محمد خير انشالله
ابوطارق...محمد انت تبي تتزوج

محمد..لايبه وووين....انا اتزوج
اروى بينها وبين نفسها..
وينك ياريااامي تسمعين)

فيصل..ايه يبه انا بتزوج وابي شورك
ابو طارق..والله انا ماعندي مانع بس امك وش رايها
ام طارق..انا تعرف رايي يابوطارق ودي اليوم قبل باكر

ابوطارق..زين..زين طيب لقيتو بنت الحلال
ام طارق..ايه وبنت اجاويد بعد
ابو طارق...طيب سألتو عنها وعن اهلها

فيصل..مايحتاج نسأل يايبه البنت من اهلنا

ام طارق..بنت ابوخالد الكبيره جمال واخلاق ودلال
محمد..نوال

اروى..محمد احشم البنت

محمد..طيب انا وش قلت
اروى...يمه بجد بتخطبون نوال لفصوول

ام طارق..انشالله
اروى..يابختك يافيصل

ابوطارق..زين كلمتو اهلها
ام طارق..ايه ووافقو

ابو طارق...خلاص اجل نروح باكر انشالله انا وانت وطارق ومحمد عند الجماعه
اروى..وفيراس
فيراس..لالاانا اعفوني
محمد يهمس لفيراس..والله احسن لك)

,,,,,,,,,,,,,,,,,,,,,,,,,,,,,,
وفي بيت ابوخالد
ابوخالد..ريناد
ريناد..سم يبه

ابوخالد..نادي لي نوال
ريناد..انشالله
..........
(وبعد ماكلمت نوال ابوها رجعت عند خواتها بالغرفه)
...................
ريم..وشفيك كنك شايفه ابليس
نوال.......
ريناد..وشفيك ابوي وش قالك
ريم...تكلمي
نوال..انخطبت
ريم..هيين
ريناد...احلفي
نوال..والله
ريناد...الف الف مبرووك
ريم..الف مبروك...بس منو مقرود الحظ اقصد سعيد الحظ

نوال...(وهي مستحيه) ولد جيرانا فيصل
ريم وهي منصدمه...اخو محمد
نوال وبأستغراب..ايه اخوه

ريناد..واروى ليش ماقالت لنا
نوال..شكلها مادرت

ريم..طيب متى بيخطبون رسمي
نوال..قالي ابوي بيجي بكرا هو واخوانه
ريم...اخوانه كلهم
نوال..وانا وش دراني
رينادتهمس لريم...اسكتي اسكتي لاتفضحين عمرك

نوال...مادري وش البس بكرا لاجا يشوفني

ريناد..تعالي نشووف
نوال..ريم تجين معنا
ريم...جايه انا وراكم

(ريم كانت خايفه ماتدري وش الشعور اللي حاسه فيه هو شعور خوف اوفرح لأنها بتكون قريبه من محمد)

ريم...واخير جت فرصه عشان احاول ابني معك حلمي اللي حلمت فيه من سنين واخير بكون قريبه منك
,,,,,,,,,,,,,,,,,,,,,,,,,,
في بيت ابو طارق
اروى...بروح اكلم نوال والبنات عالتلفون بشوف وش اخبارهم

ام طارق..سلميلي عليهم

اروى..آلو
ريناد..آلو هلااروى شخبارك
اروى..الحمدالله بخير وانتي شخبارك
ريناد..حمدالله..يالقاطعه ليش ماتدقين
اروى..علمي نفسك هههههه
شخبار خطيبة اخوي
ريناد..اسكتي بس ساعه تحوس بدولابها ماتدري وش تلبس بكرا

اروى..ههههههه عقبال انشالله مااخطب لخوي محمد البنت اللي في بالي
ريناد..من??

اروى..من يعني انتي..اكيد ريم
ريناد..ههههههههههه
اروى..اقول انا جايتكم
ريناد..حياك يالله

اروى..زين يالله مع السلامه
................
ام خالد..مشعل روح افتح الباب
ريم...لايمه انا بقوم افتح هذي اكيد اروى

اروى..السلام عليكم
ريم..وعليكم السلام..هلا اروى شخبارك انشالله
اروى...شخباري والا شخبار محمد
ريم..بصراحه كنت بسألك عنه بس من باب المجامله سألت عنك ههههههههههههههههههه
اروى..هههههههههههه ماتلاحظين انك موقفتني عند الباب
ريم..عيوني انتي وربي راحت عن بالي تفضلي
اروى...ايه راح البال مع الحبيب
ام خالد..هلا اروى
اروى..السلام عليكم
ام خالد...وعليكم السلام
اروى..شخبارك خالتي
ام خالد..الحمدالله بصحه..وانتي وش اخبارك وامك واخوانك طيبين
اروى...كلنا بخير وعافيه
ريم..يالله يمه انا واروى بنروح فوق زين
ام خالد..اخذو راحتكم
.....................
اروى..هلا والله بخطيبة اخوي
نوال..هلا اروى

ريناد..تراها ذابحتنا ماتدري وش تلبس
اروى.. كل هذا عشان اخوي
نوال..(استحت)
اروى..ياحليلك يانوال استحيتي
ريناد+ريم...هههههههههههههههههههيهههههه
(وانتهت الليله على البنات حلوه سوالف وضحك ومزح)
اذا عاجبتكم بنزل الباقي وقولو اذا تبون الباقي ماراح انزل الا اذا انتو تبون

v,hdm ud,k; [km ]kdjd v,hdm


  2  
قديم 07-11-2009, 11:07 AM
رذآذ
 
رد: رواية عيونك جنة دنيتي


الروايه حياااااتي
جميله جدا
ياريت الخط يكون اكبر من هيك
حتى يجذب الاْعضاء اكثر

يعطيك الف عافيه
دمتي بود

  3  
قديم 07-11-2009, 12:24 PM
maryam alamiri
 
رد: رواية عيونك جنة دنيتي


يسلمو يالغاليه وان شاء الله تامرين امر انتي

  4  
قديم 07-11-2009, 03:53 PM
•°•°مهسترر•°•°•
 
رد: رواية عيونك جنة دنيتي


يسلمو على الرويه الجميله بس طويله تقطع صوتي وانا اقراء

  5  
قديم 07-11-2009, 09:06 PM
maryam alamiri
 
رد: رواية عيونك جنة دنيتي


باقي يالمهسترر ما خلصت باجر بنزل الباقي
يسلمو على المرور

إضافة رد

الكلمات الدلالية (Tags)
دنيتي, رواية, عيونك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:29 PM.


sitemap - sitemap -