يـا اسـكندريه
بحرك عجايب
ياريت ينوبني م الحب نايب
.•°*”˜.•°*”˜.•°*”˜ .•°*”
تحـدفـــني مـــوجــه
على صـدر مــوجـــه
والبـــــحـر هـــوجــه
والصـــــيد مــطــايب
أغـســل هـــدومـي
وأنـشـــر هـمـومـي
على شمسه طالعه
وأنا فــيــها دايــــــب
.•°*”˜.•°*”˜.•°*”˜ .•°*”˜
كأني فلاح في جيش عرابي
مات ع الطوابي
وراح في بحرك
كـأني نسـمه فـوق الروابـي
م البـحر جــايه
تغرق في سحرك
كأني كلمه من عقل بيرم
كأني غنوه من قلب سيد
كأني جوا المظاهره طالب
•°*”˜.•°*”˜.•°*”˜ .•°*”
هـتـف بـــاسـمـك
ومات معيد
كأني صوت النديم
فـــي ليلك
بيـصــحي نــاسـك
يشدوا حيلك
كأني طوبه من بيت في حاره
كأني دمــعه
في عيون سهارى
كـأني نجــمه فـــوق الفـناره
تهدي الحيــــــارى
والبــــدر غـــــايـب
.•°*”˜.•°*”˜.•°*”˜ .•°*”
يا اسكندريه
يامصراويه
على سن باسم
على ضحكه هاله
البحر
شباك ومشربيه
وانتي الاميره
ع الدنيا طاله
يا اسكندريه عاشق
وبدوي
ارتاح في حضنك
والود ودي
يكون كلامي
عربون غرامي
وبالمحبه
ناخد وندي
.•°*”˜.•°*”˜.•°*”˜ .•°*”
يا اسكندريه فيكي الغلابه
ع الرزق يسعوا ولايناموش
صبح صباحهم
رجع مساهم
وزاد شقاهم
ومارتاحوش
يا عيني ع اللي الزمان تعبهم
وضاع تعبهم
ومالتقوش
نزل شبكهم
في بحر طامي
طلع شبكهم
على فاشوش
.•°*”˜.•°*”˜.•°*”˜ .•°*”
وفيكي بين البشر
ديابه
وفيكي فوق البشر
وحوش
وفيكي ناس مغرمين صبابه
لو خان زمانهم
مابيخونوش
وفيكي خمري
سلمت امري
ما اقدرش اشوفه
وما انيلوش
.•°*”˜.•°*”˜.•°*”˜ .•°*”
سمك يا بني يا اسكندراني
في العشق واحد
مالكش تاني
سمك يابني يا اسكندراني
في الحسن ساحر ومعجباني
سمك يابني
والعشـق غيه
تبدأ بنظره
تبقى ملاغيه
وكل عاشق وله بهيه
وكل شاعر وله اغاني
وأنا اللي عشق الصبايا كاري
أعشق وأغني ما اقدرش اداري
واي نظره بتجيب قراري
وايشحال عيونك
يا الاسمراني
uv,s hgfpv hghfdq hglj,s'
.gif "(139)")
العرض العادي
