اليوم وأنا مار بالصدفة سمعت عجز يسولفن
أم علي , أم حمد , أم صالح
وسولفت معهم ..
وبينما نحن نتبادل أطراف الحديث فيما بيننا دخلنا في السياسة ..
عاد يا ملح عجزنا والسياسة...
المهم ..طريت لهم بوش وسواياه إلي تسود الوجه.
قالت ام علي:
(جعله وجهن يلحس)
وقلت: أمين
وسألتهم...
. دريتو وش سوى بوش!
قالوا وش سوى بعد؟؟
( يعله في النار وضحيته حمار)
قلت:
بوش يهدد إيران وناوي تخصيب اليورانيوم إلي عندهم كله
ولا هوب مبقي عندهم ولا خصبة يورانيوم وحده ..
وما أمداني أكمل..
إلا و أم علي صارمة عليه بالدعاء..
ورافعة يديها وتقول:
(جعله ما يحدرة)
(جعله المر المستمر)
(جعله التسباد الي يتسبده)
(يعله حمى الشام تدعيه رشام)
(يعله حمى البصرة تعصره عصره)
وعاد أنا خفت..وقلت وسعي صدرك يا أم علي ..
وما دريت إلا وأم حمد مستقعده على حيلها ..
قلت:
عسى ماشر يا أم حمد ..
وسفهتني..
ورفعت يديها للسماء
وقالت
يمال السوس إلي يخرع الضروس)
ما يشبع ابد!!
كل شي يبي يأكله
(جعله الاكله إلي تاكلة)
(يعله ما يربح)
(ياعله الماحق والساحق والبلى المتلاحق)
قلت:
مشاء الله اليوم نشيطه يا أم حمد!! مهيب عادتك؟
قالت:
هذا يخلي احد يرتاح
(كانس الخضرة إلي يكنسه)
(الله يقطع نسله)
(الله يقطعه من الذرى والذرية والعصبة القوية)
قلت:
ارتاحي يا أم حمد ما يسوى عليك ..
قالت:
وين أستريح
(يعله الريح إلي تنفخ رياياه)
(جعله الريح إلي ما تستريح)
(ريح تطير عظامه)
(ريح أم حمد إلي تصيبه)
قلت:
لأحول والله ما يستأهل هالحماس يا أم حمد. هدي أعصابك...وشوفي أم صالح مشاء الله عليه مطنشه ولادرت عن بوش ومابوشت..
وأنا حكيت ولا ما حكيت!! ..
قالت أم صالح:
إن سكت أنا.. ما سكت بوشكم
(خله يسكت سكت نفسه)
(جعله السكتة)
قلت:
وأنا وش دخلني؟؟
وانطلقت أم صالح بالدعاء..
(يعالة الدعوة إلي في السماء لها رغوه تدعي تسبده مثل سريب القهوه)
(الله يسلط عليه القلوب القاسية والعبيد العاصية)
(يعله الاوي إلي يلوي مصرانه)
(جعله في حفرة مالها قاعه)
(الله يصيبه ويقطع نصيبه)
(يعله الخباط إلي ينفض ريشه)
قلت ابي اشبها زود
وناوي بوش يروح لسوريا يفتش فيها..
قالت أم علي:
(جعله الذهاب إلي يذهبه)
ومحد يقدر يرده منكم ..
(يامال الحفات إلي تلقط رجليه)
(حصبى تهد حيله)
(جعله القوم إلي تاخذه)
(جعله البردية إلي ترجده رجد)
قلت :
حاولنا معه ما قدرنا ..
وقالت أم علي:
حاط حيله على هالضعوف
(يعله ما تعنثر)
(يعله الطوايف الي لها حوايف)
(يعله الجدري الهندري)
قلت:
ترفقي بس يا أم علي لا ينطلق فيك عرق ...
قالت:
(يعله العرق المحترك)
(يعله أبو رمح)
(يعله الفرنج إلي كبر حمل الترنج)
(فرنج يلحيه)
قلت :
ممكن نعطي المايك أم حمد
<<يستهبل
أم حمد ما صدقت على الله عطيتها وجه ..
وقالت:
(هذا مبلش العالم الله يبلشه)
(الله يوريني فيه عجايب قدرته)
(يعله المصع إلي يمصع قلبه)
(يعله البلش الاحرش )
هذا ما يخاف من ربه
(الله ينزع عمره)
(نفره تقطع جلده)
ونقزت أم صالح وقالت:
(يامال ألقطيعه سوسة نخره) ما يضره شي..
(قطيعه تمره ما يضرها الاحوس)
(يعله النحاز إلي ينحزه)
(ويعله السمة الدسمة)
(يعله القوام إلي تقمه وما يلقى القوم إلي تضمه)
قلت لهم:
اصبروا شوي ..
قالت:
(صبر يذر في عيونه)
(يعله العمى إلي يعميه)
(يعله في التنحه والتانحيه)
(جعله المخطر إلي يبط بطنه)
قلت:
خلاص أبروح تكفون ليطولني الدعاء!!
وقالت لي:
(اقعد جعلك المقعد)
ومشيت وأنا اسمعهم يدعون
ويقولون:
(عاهة تخرعه)
(جعله الطاعون ألي يطعنه)
(يعله أبو رمح)
(يامال الضعفه)
(يعله نفس بدوي طارش منتوي)
(بلش يخرعه)
(يعله الصرف إلي له عرف)
(جعله حمى الصفري)
(وجع يصرم قلبه)
(يعله الحيايا إلي مثل الريايا)
(يعله دربه وما يرجع منه)
(حنش يطيره)
(يعله أبو دمغه)
(ياعله البين أبو ذنبين)
(جعله الحكة في ظهره)
(يعله القي قي)
(جعله الشقراء الي مالها من يقراء)
(يعلة العنكبوت الي ماتموت)
(يعلة سمة ملفي تنقزه الزلفي)
.gif "(139)")
العرض العادي
