شوووووووووووووووو وينكم يالله بشوف مشاركاتكم
طريقة طبخ السليق بالصور
أمي الله يحفظها و يخليها و يطول في عمرها كل ما سوت السليق بالحليب ما تستعمل طريقه معينه و لا مقادير محدده و كل مره أحاول اسوي السليق الله لا يوريكم <== نسمم به بسس الحاره
بس بعد جهد جهيد و تعب و متابعات سريه لأمي قدرت أجيب الطريقه الممتازه
تعالوا معي حبه حبه
جيبوا قدر<== قولي والله
حطوا فيه 7 كاسات مويه
و نص دجاجه منطفه و مقطعه
و ثلاث حبات هيل دقوا الحبات كل وحده دقه وحده بس علشان تنفتح و يطلع طعمها لا تفتتوها ثم ما تقدرون تطلعوها
و ملعقه طعام ملح و رشه فلفل و كسره مستكه صغيره
خلوها على النار ربع ساعه و في هذا الوقت نقعوا الرز و نطفوه زيييييييييييييين علشان يجي لونه أبيض يفتح النفس
الرز كميته كاسه و نص
المهم طلعوا من المرق الهيل ثم حطوا الرز المنظف على المرق و خلوه يطبخ إلين ما ينزل الماء و يصير مستواه مع مستوى الرز <==يا ريت تكونوا فهمتوا علي
قوموا جيبوا في زبديه كاس بودره حليب و نص كاس مويه و ذوبوا البودره في المويه <== أمي تستخدم النيدو عشان طعمه حلو مع الرز
المهم لما يذوب الحليب زين لا يصير فيه كتل <==تقدرون تحطونه في الخلاط
حطوا الحليب على الرز و حلوه على نار هادئه إلين ما يتشرب الحليب بس لا ينشف مره ترى السليق حلاوته لما يكون فيه شويه مويه و يكون لين
و حطوا معه بروست و بالصحه على قلوبكم
عارفه إن الطريقه شكلها يخوف بس تراها مره سهله أنا أحفظ في الثلاجه الدجاج مقطع و منظف و الباقي حطيه بسرعه و أمشي أجلسي على الكمبيوتر إلين ما يستوي
و يا ريت تزبط معاكم
و لو كان المويه قليله ممكن تضيفي شويه مويه <== رجعت تعك
أسكت أحسن و اخليكم تجربوا بأنفسكم <== بعد الحوسه ذي ماحد مجرب
أحرص على اللي دايم الدوم شاريك .....وأحذر من اللي لا قسى الوقت باعك
ماكل من يبعد به الوقت ناسيك بعض البشر قدام عينك وينساك
العرض العادي
