منتدى حلا البنات - منتديات بنات

04-01-2009, 05:30 PM

تجـــــــــــــاربي في البـــــــــــــيت%100

بسم الله الرحمن الرحيم

السلام عليكم ورحمة الله وبركاته

كيف حالكم عساكم طيبين

خواتي الغاليات بما إني أقدم لكم حصريا فقط

هنا بمنتدانا العزيز كل خبراتي وتجاربي

ها أنا أقدم بين أيديكم تجاربي وان شاء الله

تجاربي تنال إعجابكم..

أولا ::::::::::::

أقوى طريقه جربتها لتعطير الملابس بالدواليب
عطر المسك وأعني بالمسك إلي ينباع بالتوله
بمحلات العطورات طبعا لونه ابيض وهو مركز
وفائق التعطير بضع نقاط فقط بالكلينكس و خليه بالدولاب

ما يعطر بس الدرج الي حاطه فيه الكلينكس الا بيعطر الدولاب كله
وصدقيني بتلاحظين ان كل ما تفتحين الدولاب لمدة شهرين
هالريحه موجوده حتى لو غسلتي الملابس الجديده راح تاخذ الريحه
مع ان تعطيرك للكلينكس تم بمده طويله ..
يوم الثلاثاء سافرت لوالدتي العزيزه وكنت حاطه الكلينكس بعد
بالشنطه وحطيت فيها كم نقطه من المسك وخبيتها بين الملابس
ولما وصلت بنتي فتحت الشنطه امي تسئلني ايش هالريحه الطيبه
من وين جت ؟؟
عن جد ريحة المسك مو طبيعيه
وعلى فكره المسك إغراء مو طبيعي للزوج .
جربوها وأنا أأكد لكم انكم ما راح تستغنون عنها ..

ثانيا ::::::::::::::::

شراء أغراض البيت من مواد الغذائية والمواد المنظفة..

كثير منا يكتب اللسته ويروح السوبرماركت ويشتري الاغراض
لكن هيهات ان نهاية الشهر ما ينقص عندك حاجه بالمخزون ..

اختي العزيزه انا ما اعاني من هالشي

تعالي اقول لك عن خطتي الي ريحتني من عناء
الروحه والجيه على السوبرماركت
والي ريحت زوجي من الطلبات
والاهم هو التوفير بعلمكم كيف

بدايتا انا عندي جدول بالاطباق الي اسويها
سواء للغداء او العشاء او الفطور

الجدول مكون من اربع اسابيع يعني شهر
كل يوم يختلف عن الثاني يعني بالشهر اطبخ
30 طبخه بدون تكرارها
كثير من الحريم يطبخون مثلا كبسه اليوم الي بعده مرق
اليوم الي بعده برياني مثلا وبعدين ترجع للكبسه
ارحمواااااا ازواجكم

انا ما اطبخ طبخه الا مره وحده بالشهر والله انكم راح تشتاقون
للطبخه ...وما راح تملون من تكرار نفس الطبخه

طيب الحين عطيتكم فكرة جدول الطبخات
انتقل فيكم الآن إلى جدولي الثاني وهو
كل شي احتاجه بالبيت يعني كل اسماء المنظفات الي استعملها
مسجله عندي على الكمبيوتر
وكل المواد الغذائيه من والى مسجله ايضا عندي بالكمبيوتر
وكل سلعة مقابلها سعره بالسوبرماركت
ملاحظه : اخذت الاسعار من البيل او الفاتوره
المهم كل بداية الشهر على طول عندي جدول الطبخات
وجدول السلع مع الاسعار
كل طبخه اشوف وش تحتاج من السلع الي عندي واحط عليها صح
والكميه وهكذا

الين ما اخلص من كل مستلزمات الي احتاجها لكل طبخاتي خلال
شهر كامل

بعدين انتقل الى المنظفات واحط صح على السلعه والكميه الي ابي
اشتريها

بعدين اسوي لي كوب شاي واقعد اشوف الحساب كم راح يطلع علي
لما اتسوق اخذ معي نفس المبلغ بدون زياده
لان لو خذيت معي اكثر راح أغامر بالسوبرماركت تحت إغراءات
السلع الي موجوده على الأرفف وطريقة ترتيبهم الي يلفت انتباه المشتري له واحنا الحريم ما شاء الله ما نقدر نقاوم

وآخر شي اسوي برنت من الكمبيوتر واخذ الورقه معي على السوبرماركت زي الجدول السلعه الكميه المراد شرائها والقيمه
وصدقيني عمري ما وصلت عند الكاشير وانصدمت بالمبلغ لان
عارفه ان نفس المبلغ الي مكتوب عندي بالجدول

ليه هالفكره انفعت معي
احيانا اقول والله باخذ ورق عنب
وفعلا اشتري وبعدين لما اجي ابي اطبخه الاقي باقي الاغراض الي احتاجهم لورق العنب مو موجوده عندي بالبيت

فهذي الطريقه خلتني ارتاح نفسيا اني ما اقعد افكر ايش ناقصني
وله بكره ايش بطبخ يا ربي ..

زوجي مستغرب اني ما اطلب منه ان يروح ويرجع على السوبرماركت
الا بداية الشهر وانا معاه مع ان اصدقائه يعانون من زوجاتهم ومن طلباتهم جيب معك رز جيب زيت اليوم الثاني جيب معكرونه

اما الخضروات والفواكه اشتريهم بشكل اسبوعي ( طازج )

ثالثا ::::::::::::::::

ملمع الخشب

أنا عندي الارضيه من الخشب واكثر ديكور بيتي من الخشب
وايضا المكاتب والطاولات

عملت لي ملمع خشب بنفسي من مواد طبيعيه
وايضا وفرت الكثير بهذه الطريقه
وانتو بعد خواتي جربوها وان شاء الله راح تدعون لي

اختي هاتي البخاخ وحطي فيه ثلاث فناجين من زيت الزيتون
وفنجال واحد من خل التفاح ونص فنجان من الماء
وبس هذا سر اللمعان عندي بالبيت

رابعا ::::::::::::::::

عندي فكره لبعض الخوات الي ساكنين بشقه
وما عندهم مكان ينشرون فيه الملابس ويستخدمون
علاقة الملابس لتنشير الثياب او الي نسميه الشخال
دام ملابسك الي ناشرتهم رطبين هاتي المبخره
وحطي عليها البخور وسكري باب الغرفه الي ناشره فيه الثياب
وخليه اشوي وبعدين شيليه علشان ما يطلع ريحة الحرق من البخور
ورجعي سكري باب الغرفه اليوم الثاني لما يجف ملابسك
راح تلاحظين ريحتها كلها بخور

خامسا ::::::::::::

سر ترتيب بيتي
إن ما اخلي أطفالي يطلعون حاجاتهم إلي تخصهم من غرفتهم
يعني اللعب ما يطلعونها للقاعة أو لأي مكان بالبيت
وإذا احتجت لأي شي من غرفة نومي اخلص شغلي هناك
علشان ما انقل محتويات الغرفة للغرفة الثانية من مشط أو غيره
والترتيب اول بأول هو سر من أسرار البيوت المنظمة بدقه ..

سادسا ::::::::::::::

قد مره عيالك نسو ياخذون معهم شنطة الأكل للمدرسه
أنا احيانا ينسونها بالسياره وما اكتشف هالشي الا لما ابي ارجعهم
من المدرسه الاحظ شنطة الاكل موجوده على المقعد الخلفي
فحبيت ان ما اكرر هالطريقه لأن عورني قلبي عليهم اكثر من مره
انهم يجلسون بالمدرسه بدون اكل وغيرهم ياكلون
فحبيت اني احط لهم بالشنطه مبلغ معين للطوارئ
لما ينسون الشنطه او احد من الاطفال المشاكسين يدفون
اطفالي ويطيح منهم السندويش او العصير يتذكرون ان هناك
مبلغ بالشنطه للكتب ممكن انهم يشترون الي يبونه
وافهمهم ان هالمبلغ فقط للطوارئ مو للعب ..
ممكن وحده عندها نفس مشكلتي وتستفيد من هالطريقه

سابعا :::::::::::

أنا لما اكون معصبه
على طول اتوجه للدواليب واطلع الملابس
ولما اكون معصبه اقرر بسرعه وقت الجرد
الشي الي ما ابيه على طول اقطه او اوزعه على الي يحتاجونه
لاني لو كنت رايقه وفتحت الدواليب اقول لا ويمكن ولعل وعسى
هههههههههههههههه يعني لو عصبتي افتحي الدولاب
منها ترتبين ويهدى بالك ومنها انك ترحمين الدولاب قبل ما ينفجر

ثامنا :::::::::::::::

تتذكرون الفكره الي كتبها عن تلميع الخشب بنفس هالموضوع
فوق ...

بما ان جونا سبحان الله ما يساعد بالخليج ويجيب احباط
يعني لو نظفتي اليوم بالملمع بكره بتشوفين طبقه خفيفه
واليوم الي بعده صار طبقه فوق طبقه
ولو الكسل خذانا بتشوفين ملعب الكوره فوق المكتبه
فطريقتي اني لما المع واشيل كل التحف واتعب روحي
احافظ على هالنظافه من الغبار بطريقه سهله مره
وراح تلاحظين ان ما تحتاجين للتلميع الا مره وحده بالاسبوع
طريقتي هههههههههههههه هي الريشه الي تستخدم للغبار
اكيد عرفتوها العصا الي ملصوق في نهايته مجموعة ريش
هذي الطريقه سهله قبل ما تكنسين البيت مرري عصاك السحريه
على المكاتب والاماكن العاليه وعلى التحف وعلى الاباجورات
وبكذا دائما بيتك نظيف من الغبار المتراكم

تاسعا :::::::::::::

تنسين تحطين صابون للجسم بالحمام أعزكم الله
وكل ما يخلص ينادونك عيالك ماما ما في صابون
وله زوجك يقول الصابون خلص وين الصابون
وتركضين انتي تجيبين الصابون من المخزن او الدرج
واحيانا يكون مخلص يا ويلك
انا كان عندي حوض للسمك صغير على شكل دائره
نفس الحوض الي نشوفه بالتوم اند جيري ههههه

مليان الوان واشكال من الصابون وحاطته
بالحمام يعطر الحمام وايضا ديكور حلو للحمام
وكمان تفتكين وترتاحين من طلباتهم..

عاشرا :::::::::::::

أكيد صار وقت الفكره الخاصه بالاطفال
غاليتي عندك طفل عمره خمس سنين وقفيه
جمبك وقت الصلاة وقولي له تعال سو زيي
فقط بالحركات يعني تسجدين يسجد تركعين يركع
واخيرا يا حليله لما ترفعين ايدك للدعاء يرفع ايده
يا ربي يسلمهم
لما يكبر اشوي عمره ست سنين اكيد حافظ السور سواء
منك او من الروضه
بعمر السابعه خلاص لازم انك تخلينه يداوم على الصلاة

أمي العزيزه علمتني آيه من سورة إبراهيم
وقت الدعاء اقرى الآيه
وصدقوني ان عيالي ما شاء الله لا يتركون الصلاة
حتى صلاة الفجر يصلونها بوقتها

الآيه يا خواتي تنفعكم وتنفع عيالكم حتى الي لسه
عيالها صغار تدعي بالآيه هذي وشوفي الفرق عزيزتي

(رب اجعلني مقيم الصلاة ومن ذريتي)

::::::::::::::::::::::::::::::
شكرا لحسن قراءتكم.
ملطوش...

j[JJJJJJJJJJJJJhvfd td hgfJJJJJJJJJJJJJdj%100