منتدى حلا البنات - منتديات بنات

10-17-2008, 08:43 PM

يافشيلتي بس وياقرادتي ... قصة حقيقيه لابوفرنيه

يا فشيلتي بس ويا قرادتي

شنوح هالصفحه عييت تفتح

الله يلعن ابوتس افتحي خليني اكتب واطلع

شكلوه من الاتصال

يؤؤؤ قاعدن احاتسي روحي

المهم اللي عمروه اقل من 18 يطس ويطلع عن صفحتي لأن الموضوع ما يصلح لوه

والا عادي اجلسوا بس يا ويلكم ان علمتوا احد بالسالفه اخاف يمسكونه علي خوياي وعيال الحاره ومن يبي يسكتهم باتسر

هذا سلمكم الله كنت جالسن بالاستراحه قبل كم يوم وخوياي يحتسون عن السباحه وانهم يسبحون

تروني انا كنت مستغرب ان حايل به بحر وأقعد افكر ليه ما اروح للبحر هاللي يحتسون بوه واسبح

المهم طلعت من عندهم الفجر وانا راسي يستدير ادور البحر ابي اسبح احس اني طحت من عيونهم

ويوم جت الساعه 7 مدري 8 يمار حر والشمس على دماغي ولو تفقش لك بيضه براسي طلع لك بيض عيون

وأنا اتصل عليهم أبي اقولهم وين البحر حقهم اللي يسبحون بوه قالوا خلاص نبي نروح معك ونلقاك بالمكان الفلاني

قلت انا وين تبون تروحون اقعدوا الله يلعن ابو هالوجيه

انا مابيهم يدرون اني ما اعرف اسبح

المهم وانا اشغل الكرسيدا وأنا اشغل اغاني شعبيه عشان اتحمس وأنا رايح للبحر

وأنا ألقاهم وحنا ندخل بنادي رياضي ونصف طابور عشان سراويل السباحه

ومن قرادتي ما بقى الا سروال واحد ما بوه حبل ؟!!!!!!!!!!!!!!!!!!1

وقلت والله ما اخذوه بس حلفوا خوياي وقالوا لي يارجال محد داري عنك خذوه بس

وأنا اخذوه وألبسوه وبس ماسكن هالسريويل عشان مايطيح وأنفضح عندهم

المهم طبوا خوياي بالمسبح وأنا بلشان بسروالي وجالسن على طرف المسبح

يمار مليت وهو يلعب بي الشيطان قال رح اسبح من يبي يشوفك داخل هالماء ان انفسخ سروالك

وبعدين يمديك تماكن نفسك اذا انفسخ

المهم طبيت بالمسبح ومن ثقل الماء أنفسر السريويل ومادريت بوه

ويوم انتصفت بالمسبح يمار احس شي ماسك رجليني دريت انوه السروال

وأنا اقعد لي مرافس بهالماء ابي اتماكن نفسي وألبسوه قبل لا انفضح

وأنزل ابي ألبس وينكتم نفسي وأطلع اخذ نفس وأرجع اكمل العملييه

والناس اللي بالمسبح شافوني ارافس قالوا هذا خلاص غرق مادروا اني ابي سروالي

وأسمع حدا خوياي يقول ( لا وحلولات يا ابوفرنيه لا يكون مات )

وأنا اقول بيني وبين نفسي ( أنت لو الله يفكنا منك كان مابنا بلا )

وأنا ألبسوه اشوى وهالحتسي وأنا داخل كلي بالماء حتى اني استغربت ليش مابوه سمك بهالبحر

المهم وصلوا المسعفين وانا لي خناق انا وسروال الشر والشرير

وهو يمسك واحدن من هالمسعفين سروالي يبي يجرن عشان اطلع

ويوم دريت وهو ياصل سروالي لمواطي رجليني

وأنا اتماكن نفسي وادفوه وأرجع للماء

وهو يجي واحد ثاني وهو يمسك السريويل ( هذولا ناوين يفضحونن مو يسعفوني )

ومثل الأول بغى يجيب بي العيد

ومالكم بالطويله وحنا نقعد لنا حول نص ساعه وحنا مرافس بهالمسبح

وقلبي يقول الموت ولا العار يا بو فرنيه
وما طلعت الا وانا شاربن نص هالبحر

والله لا يعيده من سباحه

اخييييييييييييييييييييييييييه بس

dhtadgjd fs ,dhrvh]jd >>> rwm prdrdi ghf,tvkdi

10-17-2008, 09:19 PM

ههههههههههههههههههههههههه

تمزعت تسبدي من الضحكـ << وش سويت انت << الله يرجكـ << سويت افلااااااااام

حمدلله ع سلامتكـ ابوفرنيه
ايه والله فظيحه << بنادي امير الحلا يشوف وش سويت في بحر حايل

سلامتكـ خيو

وتقبل مروري

((مرسول الحب))

10-18-2008, 11:22 AM

خخخخخخخخخخخخخخخخخخخخخخخخخخخخخخخخخ الله يرجك اخوي

خخخخخخخخخخخ << انسدح من الضحك خلك فل بانيوو احسن خخخخخخخخخخخخخخخخخخ

موضوع رووعــة تقبل مروري فديتك

10-18-2008, 03:49 PM

مشكورين على مروركم يالغاليين

10-18-2008, 11:23 PM

ابو فرنيه يمدحوون البانيو بس خل معك لستك يمكن تحتاجه

<< بتنجلد

تراي سباحه متعلمه بنادي العسكري تبي اعلمك

< اوووخس

هههههههههههههههههههههههههههههههههههههههههههههههه

يعطيك العافيه ضحكت لييييييين صحت < ابوك تعبير

يعني لين نزلت دموووع

لولا
<

منتدى حلا البنات - منتديات بنات

يافشيلتي بس وياقرادتي ... قصة حقيقيه لابوفرنيه

يافشيلتي بس وياقرادتي ... قصة حقيقيه لابوفرنيه

يافشيلتي بس وياقرادتي ... قصة حقيقيه لابوفرنيه

إِرسُم الإبتِسَـآمَة عَلى مَن حَولَك ツ