اخر قصيده قبل تنساك الاشعار
_____ هاذي .. ولا لك من بعدها قصيده
.
مادام مع غيري بديت الك مشوار
_______ ماتعتبرك حروف شعري فقيده
.
يشوم عنك الشعر وتشوم الافكار
______ حرام تحسب شي داخل رصيده
.
اشطب قصيدٍ كان معميته انوار
______ واخذ القصيده واعتبرها وحيده
.
الماضي الاسود معك عج وغبار
_____ مايعرف الرجال رجله من ايده
.
ومن بعد باح وبعد مديت الانظار
___ شفت الحقيقه في غلاف الجريده
.
ان الخيانه ماتجي داخل ايطار
_______ ومن خان مره فالخيانه اكيده
.
ترى الهوى ماهو سواليف وقمار
_______ ترى الهوى عندي حدوده بعيده
.
مايدركه مثلك ولو صار ماصار
______ ياصعب على كل القلوب البليده
.
اللي لها في كل الاوقات سمسار
_______ ودايم علاقتهم علاقه جديده
.
مايملكون من الوفا ربع قنطار
____ حتى المشاعر صفر تحت الحديده
.
ناسٍ تعرف اتجيد تمثيل الادوار
_____ ماعمرها عاشت مع الناس سيده
.
لو ترتكب غلطه مع سبق الاصرار
_____ اهم شي...... ان النوايا حميده
.gif){kind=icon}
العرض العادي
