سكون الليل موحـش لـه مهابـه
يعيّشنـي ظلامـه فـي غـرابـه
واراجـع بـه حكايـاتٍ قديـمـة
واعبّر عـن شعـوري بالكتابـه
زماني قد رمانـي فـي بحـوره
غريقٍ شاب راسـه فـي شبابـه
طـوال الليـل اجاوبـه الونينـا
من اللي صاب قلبـي ثـم عثابـه
غدرنـي مـا توقعـت الخيـانـة
من اللـي سقتلـه كـل الذرابـه
جرحني ثـم تعـذّر لـي بعـذره
تأسف يـوم قلبـي صـك بابـه
قبلت العذر بـس ابشـرط يذلـف
ابيـه ايصـد عنّـي فـي غيابـه
عزيـز النفـس ماحـب المذلّـة
فطيـن القلـب مانيـب الزلابـه
اميّـز بيـن خلّـي مـن عـدوّي
واميّزهـا الثعـالـب والذيـابـه
اخذت العلم من بحـر التجـارب
وعقلـي مستنيـرٍ بــه لبـابـه
لو اقض العمر وحدي دون صاحب
تراه افضل مـن اجمـوعٍ معابـه
اعيش ابراس الابرق فوق عالـي
كمـا ذيـبٍ علابـه ثـم عوابـه
اموت ابعزتـي ماهـان وجهـي
يومـنّ البـوم ذلـه قـد سرابـه
على باب الزمن خطيـت سيـرة
حكايـة كلهـا عــز ومهـابـه
وقبل اختم كلامـي ذي وصاتـي
نصيحـة صافيـه مامـن ظبابـه
حذور اتماشي النّـذل الضعيفـي
لو نـه مـن ربوعـك والقرابـة
ترا ضرب المثل واضح ومرشـد
سـراب الـلال ماتلقـى شرابـه
يقوله مـن سقـاه الوقـت علقـم
زمانٍ جار عشـت ابـه الغرابـه
سلامـي فالنهايـة مسـك فايـح
على المختار وجمـوع الصحابـه