منتدى حلا البنات - منتديات بنات

01-07-2010, 01:35 AM

الاسطوره الشاعر بندر بن سرور العتيبي رحمه الله

السلام عليكم,,,,,هذه قصيدة لي الاسطوره في الشعر

هذا هو الذي ابهر الجميع وحتى بعد رحيله لن يظهر في الشعب العربي

من هو افضل منه

<<الشاعر بندر بن سرور العتيبي رحمه الله >>

يالله يـا جـال الأمـور المهمـة تجلى وهق قلب برى حال راعيه
البر دجته و البحـر رحـت يمّـه أدرج سبب حظ على الله مساعيه
يوم إن ولد اللاش رزقه على امه رزقي على اللي ميّت القشع يحييه
ماني وانـا بنـدر ببيـاع دمـه يقطعك يا بيّـاع دمّـه و مهفيـه
اللـي يبيّـع لابسـات الأزمــه ثور يبي بيض العماهيـج تغنيـه
يزعل ليا جت ليلة الـدول يمّـه يرضى بسوق المال بأخيه و أبيه
خطو البخيل اللـي يكبّـر معمـه يقرا الكتاب و واجب الله مخليـه
أما هرج له فـي رفيقـه بنمّـه والا عطا و أمه تضيّـع هقاويـه
يا مل قلب كل مـا مـات همّـه دارت دواليب الدهر ليـن تحييـه
فرّاق شمل النـاس عيّـا يلمـه وقتن يشيب الراس من شاية فيه
أحدن ينام و حـط راسـه بكمـه و أحد تخم النوم عينه و تخطيـه
و أحدن يحاول بالردى بنت عمـه و أحدن يحاول ستر عذرا عوانيه
تخالف الأنظـار شرقـن و يمّـه كلٍ هدف رايه من الناس مرضيه
أنشدك ياللـي كـل شـي تتمـه تقرا الكتاب وكل فـرض تصليّـه
ويش القليب اللي عميق مجمّـه ما سرّ غرسه ماه عطشى سوانيه
سم السبب يا عارفن عنه سمـه سم السبب يا عارفه قبل اسميـه
2
2

الله من عين طرقها صواديف= = عميت ويبسن بالعروق الصخافي
شفت الوزا بالعين من عرض ماشيف= = شفته وغيري من فطن له وشافي
وقت تغير فيه حتى العواصيف= = جا في عواصيف الرياح أختلافي
شره قناطير وخيره مقاطيف = = يفطن له اللي يرضع الديد غافي
كم واحد جاله زمانه على الكيف= = واغترته نفسه يبا الجود وافي
يطلع مطاليع العلا بالسواليف= = بين العذارى عد روحه سنافي
يفرح بهرج بالقفى يكره الضيف= = قتات والقتات بالنار هافي
يعلق قصيره علقة النار بالليف= = عي ولد عي زنوده ضعافي
ان رخصت الحذوه توفي عن الحيف= = وان غليت الحذوه مشى اللاش حافي
يرقد ويلحق والدينه تخاليف= = دايم ومرقد ميت النار دافي
هو مادرى ان الجود يبغى تكاليف= = سهر الليالي مقبلات مقافي
يبغى يدين للعطايا مغاريف= = ويبغى رجول ماتمل الوقافي
والصبر بنحور السنين الشواحيف= = اللي قساها مثل حد الرهافي
مايقدرون الجود سود الأطاريف= = مشاركة بيض النسا باللحافي
يقدر عليه اللي حكم نجد بالسيف= = واودع مباغيض القبايل ولافي
عبد العزيز اللي يبث المصاريف= = يجدع قناطير الذهب بالفيافي
يمشي على دربه جموع مراديف= = نو تحدر ماه والجو صافي
يشدي لواقيط الزبيدي بعد ريف= = ومما كسى البيدا تفيد الضعافي

3

3

هذه قصيدة قالتها ام بندربن سروربعد وفاته ( الضلع القصير)
طويت حبل الياس يابدر دونه** وجاني عليه من الأذى ماكفاني
في الليل جسمي مقلقاته همومه** والعين تسهر ماتذوق المنامي
عليه روحي يابسات شنونه** وحره على الضلع القصير كواني
امشي وقلبي يابسات غصونه** ومني صناديق الضماير حطامي
بلا مرض حالي تقول مهيومه** والكبد صامت عن لذيذ الطعامي
اللي عليه القبر ركزت وسومه** ولاعاد يمحى وسم حزنه دوامي
يابدر متى الوسم تدخل حتونه** من نو مزن مانشا بالغمامي
ابيه يزي القبر ماء مزونه** يزيه ربان السحاب الهشامي
===============
وسلامتكم...لا تحرمونا من ردودكم

hghs',vi hgahuv fk]v fk sv,v hgujdfd vpli hggi