منتدى حلا البنات - منتديات بنات

09-28-2008, 09:51 AM

مساء الخيرات و النورات والسرورات..

اعزائي النفرين والنفرات..

[ ما هو جدولك في ليلة العيد ؟ خلونا نعرف عاداتكم وتقاليدكم ]

مآ آجمل وآروع حينما تتعرف على عادات و تقاليد أهل الشرقيه ، اهل الشمال ، أهل الجنوب ، اهل جده , اهل مكه , اهل الخليج العربي , اهل الشرق الاوسط بكامله

نبي الكل يشارك في طرح جدوله في ليلة العيد و يوم العيد ..

راح ابداء انا:
ليلة العيد لازم تطلع نواقص ويروح احد منا للسوق.. طبعا محد ينام الكل يواصل ماعدا الشياب من 11 ونص وهم في سابع نومه

نقعد نحوس بالبيت ونغير ترتيب بعض الاشياء وانواع الخلطات ع الوجه والشعر ..

ومن يأذن الفجر يبداء التكشخ والتسنع .. ونبداء بإعداد القهوة والشاي والبخور.. والحلاو وغيرهـ

واللي يبي يروح يصلي صلاة العيد يروح ومن يرجعون تبداء المعايدات وانواع المطخات على الرؤوس والخشوم ..

عاد هنا يجي الخير انت وشطارتك .. كلما كانت معايدتك حارة سوف تنال الكثير من القريشات

بعدها نبداء باستقبال خوالي وعماني المتزوجين واللي ماتزوجوا ..

ومن يروحون ندخل النت ونعايد على اهلنا الانترنتيين

وعند قرب عقارب الساعه الى الحادية عشرة والنصف تبداء بطارياتنا تضعف.. ويخف حماسنا ..

ونطقها نوووومة الين المغرب .. ومن بعد المغرب نطلع للإستراحه عااد هناك الكل موجود ..

وووووووبس خلاص..

اتمنى المشاركة من الجميع..

تقبلوا شكري,,

مشوته الخدامه ((شم شم))

lJhi, [],g; gdgm hgud] <

09-29-2008, 08:54 AM

يسلمووووووو شم شم

وكل عام وانت بألف خير وسعاده

والله عيدكم يهبل الله يهنيكم

وعيدنا تقريباً مشابه لعيدكم من احية البنات

واما شيبانا كل واحد ماسكله زاويه من زوايا السطح وينام من بعد صلاة العشاء

وبزارينا بعضهم مصفق ومنومته امه غصب وبعض البزارين يسهرون ومجتمعين كل واحد بطراطيعه

ومزعجين المسلمين ومايهجدون الا لين يقوم عليهم احد الشيبان بخيزرانه لين يهجدون

واما احنا ياالشباب ما نتقضى ملابس العيد الا اذا اعلنوا وقالوا بكره العيد كل واحد مدور له خوي

ونتقضى تقريبا الى الساعة الثانيه ليلاً وبعدها نجتمع و على سوالف واللي على البلايستيشن

واللي متوهق يدور له كواي واللي ناشب يدور له حلاق فاتح وعلى هالحوسه لين يذن الفجر وبعدين كل واحد ماسكله حمام وكل واحد يحجز واللي ماسك سرا وطبعاً كل العائله الكريمه مجتمعين ليلة العيد في بيت جداني يعني البيت فل الفل وبعد الهواش والحوسه كل اللي يلحق صلاة الفجر واللي ما يلحق المهم بعد الفجر كل واحد يقول انا اشخص من الثاني ويجتمعون لين يجهزون الشيبان والبنات وكل اللي يبي يروح يصلي صلاة العيد وكل واحد ينط في سيارته ويركب اهله واللي يدقها رجليه المهم بعد صلاة العيد يرجعون للبيت ويدون يتبادلون السلام ويباركون لبعض وكل منهم يضحك على الثاني يقوله توني شايفك <<ههههههه

وبعدها يجتمعون اهل الحاره في ساحة المسجد لين يكتمل العددتقريباً وكل واحد من اهل الحاره جايب معه من بيتهم اللي يجيب كبسه واللي يجيب مرقوق واللي عصيدة واللي ومن كل شكل ومن كل نوع وبعدها يدقون في النعمه وكل يتجه لبيته والجماعه كل واحد يروح يعيد على الثاني

وطبعا مثل شم شم مع الساعة 11 كلاً طافي والوعد مع المغرب نتجه لمزرعة جدي ولنا جدول وقت للمسابقات وألغاز ووقت للالعاب الناريه من النوع الثقيل وتوزيع جوائز للميزين يعني وفله

واسف على الاطاله

وكل عــــــــــــام وكل الاعضاء بخير

ويعطيك العافية شم شم

تقبلي مروري

مرسول الحب

09-29-2008, 11:11 AM

مشكووووووووووووووووووور

يعطيك ربي الف عافيه

وعلى الإطاله هذا اللي انا ابغاه ههههه

وبصرااااااحه عيدكم شيء حلوووو تقريباً مثل حالتنا مافيه اختلاف

يسلموووووو ومشكور مره ثانيه على طرح جدولكم في العيد

09-29-2008, 03:54 PM

يسسلمو على الموضوع الرائع

وكل عام وانتوا بالف خيير وصحه وسلامه

انا بنسبه لي اول يووم مع العائله في الاستراحه وباقي العييد مساافر :cool::p:D

09-29-2008, 03:57 PM

اقتباس:

المشاركة الأصلية كتبت بواسطة ®•°•[ أميـر الح.ـلا ]•°•®

يسسلمو على الموضوع الرائع

وكل عام وانتوا بالف خيير وصحه وسلامه

انا بنسبه لي اول يووم مع العائله في الاستراحه وباقي العييد مساافر :cool::p:d

يسلموووووو على المرور العطر

وانت بخير وصحه وسلامه

ههههه حرااام على القل خذ اهلك معاك في السفر << وش دخلك ؟؟ ههههههه

دمت بود وخير ,,

مشوته الخدامه (( شم شم ))

منتدى حلا البنات - منتديات بنات

مـاهو جدولك ليلة العيد ,,؟؟

مـاهو جدولك ليلة العيد ,,؟؟

مـاهو جدولك ليلة العيد ,,؟؟

مَوآضِبع لَيسَ لهَـآ مَقر . . •