كـل عام يمرنـي وأنته عن عيوني بعيد
بالحزن .. أستقبله وأصافحه وأودعه..!؟
×××
وكل عام أترجم أحساسي من فراقكِ قصيد
وأقول ياليت القصيد اللي كتبته تسمعه
×××
عل وعسى تشتاق لي .. والشوق في قلبك يزيد
لادريت أن الجروح بقلبي موجعـــــــــــه.. !!
×××
ياكثر من قال خله والمحبه ماتفيد
وياكثر ماقلت ( أحبه ) من يجيه ويقنعه ..!
×××
علموه أني ذكرته بأول العام الجديد
تكفون من يقدر عقب ماغاب لي يرجعه
×××
أشتاق له كُثر أشتياق ( الجد ) لعناق ( الحفيد )
وأتحمله كثر أحتمال ( السد ) موج ٍ يدفعه
×××
وأحتاج له كُثر أحتياج القلب دايم للوريد
وأنفعه مثل العشير اللي عشيره ينفعه
×××
ذاب قلبي في غيابه مثل ماذاب الحديد
يوم ولعني وخـــــلا نــــار قلبي مولعه
×××
أشهد أنه مارحمني يوم خلاني وحيد
طاوعه قلبه يغيب .. وكيف قلبه طاوعه
×××
ماسمعت .. ألا .. شطر .. ويحـّرك شعور البليد
( ضاقت الدنيا بشاعر طيب قلبه ضيعه )
×××
أتمنــاه .. وأريـــده ( والله يفعل مايريد )
وكان مكتوب الغياب وشحيلتي ..؟ وكيف أمنعه..؟؟
×××
علموه أني ( فقدتــه ) ياعسى عامه سعيد
وعلموه أن ( القصايد ) فـــي غيابــه تتبعه
×××
كُل عام يمرني .. يالأسف .. مامن جديد
بالحزن أستقبله وأصافحه وأودعه ..
قصيدة راقت لي كثيراً .
الشُكر لكل من يمر من هُنا ..
ugl,i Hkd `;vji fhguhl hg[]d] >
العرض العادي
