ابد ما جيت ابارك لك..ولكــن جــيت باوصيك..
على الله ناوي تدخل بها الليله..معذبتي..
ترى لولا الظروف الي عطتك وحدت محاكيك..
قسم بالله ما تدخل عليها لو على رقبتي..
ولكــن النصيب اقوى ولا ادري ويش اسوي فيك..
نعم صارت معزبتك...ولا صارت معزبتي...
كذا شائت بنا الأقدار تحرمني لجل تعطيك..
كذا لازم عشان تفوز إنت أخسر بتجربتي..
تراها غاليه جداً...وتكفى...والله يخليك..
تدللها..تدلعها.. تنسيها مصاحبتي..
أنا من كثر ما اغليها احس اني بديت أغليك..
ولاتسأل بأية حق ولا وش مناسبتي..
لأنك لو بتسألني بتسمع شيٍ ما يرضيك...
لذا ياخوي لا تسأل ولا تسمع لأجوبتي...
أبيك تحطها داخل عيونك وبين ايديك..
وهي دلوعه اعتادت على كثرة مداعبتي..
فداعبها شوي شوي حتى تشتهي طاريك..
وشاغبها إلين تقول لك: بطل مشاغبتي..
واذا هي مالها خلقك.. ولا تضحك ولا تسليك..
تحملها وإسألها:ياعمري ليش عصبتي..؟
وبالك أسمع أنك يوم تضربها وهي تشكيك..
ما يحتاج اوريك بفن الضرب موهبتي..
صحيح انك بتملكها ومعك عقد التمليك..
وانا عارف حدود الله ومن حقك معاقبتي..
ولكــن قولها المجنون وصاني وهو يعنيك..
يقول انه بينتظرك ولو شيب وشيبتي..
وانا مجنونها الي ما نساها وانت ما يمديك..
تغطي ذكرياتي في هاواها وربع تجربتي...
احس اني تماديت بكلامي..والغضب حاديك..
ولو انك في مكاني ما تفكر في محاسبتي..
كفاك اني تركت الليله اشغالي عشان اجيك..
دخلت القاعه برجلي ولا ادري ويش عاقبتي..
انا ماجيت اخرب عرسك الليله ولآ أذيك..
انا جيت عشان اخاطبك واسمع مخاطبتي..
توصى..وانتبه.. واحرص عليها والله يهنيك..
ترى كل الكلام الي طلع من ضيقتي وكبتي..
ولكــن ما قدرت اقوله وانت ما يخفيك...
اخاف اني اذا قلته تقوم وتقطع رقبتي..
يلا عااااااد الله الله بالردود
مع تحيـــــــــــــــــــــاتي: دلع الكــــــــــــــون}
rwd]i hgrhih pfdf td d,l .,h[ .,[ji ugn .,[ih??
.gif "(132)")
العرض العادي
