مابيك تبكي وتعتذر ولا أبي تكثـر رجـاك
ابيك بس تحطها في بالـك إني مـا أبيك
....
"ودي" اسامح غلطتك وانسى عنادك مع خـطـاك
ودي ولكن غلطتك [اكبـر] من إني احتويـك
...
تخطـي وترجع تعتـذر والعـذر مايثبت وفـاك
اسلّمك بسمة غلا وتصفعها في قسـوة يـديـك!!
....
(عـذرك) تقول : إذا كثر وصلك يبي ينقص غـلاك
يا فاهم الدنيا غلط هذا عذر بالله علـيك..؟؟!
...
كم قلت لك ياصاحبي : قلبي تعذب من ((قسـاك ))
لا تزيدني كافي قسى بس انت زدت الله يهديك
....
ياللي تظن إن الغـلا يزيد لا زدت بجفاك !
تأكد إني واحد ٍ لَـ اقفـيت عنه ما يجـيك
....
ماني مثل بعض البشـر اترجى واتوسـل رضاك
والله لو موتـي بيجي من غيبتك ما ارتجـيك
......
أدري الزمن هذا كثر فيه البشـر من مستـواك
وأدري وش اللي غيّرك على حبيب ٍ مشتريك
.....
ماغيّرك إلا الدلع يا صاحبي وهذا بـلاك
وما يسْنعك إلا القسى ولا الدلع واااجد عليك ..!!
العرض العادي
