البارحـه ., دارت الذكـرى وسرّانـي
طاريك ., ياذكرياتي وأجمـل اسنينـي
سمعت صوتك .! وقلت : اصدّق اذاني
وزولك خياله تمثنـى عينـي وعينـي
ياصاحبـي ., لاتذكَّرنـي وتنسـانـي
ولاتذكِّـرنـي المـاضـي وتبكيـنـي
في كُلّ ليل ونهار ., أحزاني أحزانـي
وفي كُلّ ذكرى ., تموّتنـي وتحيينـي
إنسى صدى صوتي , وطَرْقي , وقيفاني
والصوره اللي يدينـك تشبـك ايدينـي
وإهجُر محلٍ جمعني بـك ., وودّانـي
لأوّل لقى يوم فاع القلـب مـن حينـي
ولاتـدوّر علـيْ ., لانّـك بتلقـانـي
في كُلّ دربٍ على وصْلـك يودّينـي .!
وليـا قـدرْت إتعدّانـي .؟ تعـدّانـي
وان شفتني بأيّ صُدْفـه .؟ لاتنادينـي
وان دقّ رقمي عليك .؟ إنساه بالعانـي
وإن كانك إشتقت لي .؟ لاتتّصل فيني .!
كُلّه .؟ على شانك ولاهو علـى شانـي
مابيك تشقى مَعيْ والاّانت .؟ مشقينـي
أحنّـك ., وداري انْ ماجـاك ماجانـي
وانْ عشت للحبّ .؟ ماتلحق وفا دينـي
إتمرّ الاعوام ., مانـي منْـك متغانـي
أموت وأحياك ., من بيني ومن بينـي
سَليت .؟ مافيـه شـيٍ عنْـك سلاّنـي
السلـوه اللـي بـدونـك ماتسلّيـنـي
آعاني .؟ اي والله انّـي منّـك آعانـي
ومعاك أبدّل قسـاوة طبعـي ., بلينـي
أشتاق .؟ فقْدك تعدّا الشـوق واشقانـي
حتى تزبّر ., وسيّل ماه من عينـي .!
أحبّك .؟ أستصغر الكلمه مـن السانـي
لانّـك أكبـر مـن إطـار المحبّينـي
فـإن دارت الدايـره ., والله توفّانـي
لاتشغـل اعيونـك بدمعـك وتبكينـي
عطيتك أجمل سنيـن العُمـر مجّانـي
ومعاد ابي ذكرياتي ., وأجمل اسنينـي






للشاعر الرائع بحق

فهيد بن عصيدان العجمي



منقوووووول
(( شم شم ))