10-31-2009, 11:13 PM
|
#1
|
لٍلْنٍسْيًآϾ « بًقٍيًهْ لًنْ تًـﮜتًمٍلْ !!
|
بيانات اضافيه [
+
]
|
|
رقم العضوية : 2098
|
|
تاريخ التسجيل : 21 - 8 - 2009
|
|
أخر زيارة : 09-09-2010 (11:01 PM)
|
|
المشاركات :
3,323 [
+
] |
|
التقييم : 30
|
|
الدولهـ
|
|
الجنس ~
|
|
MMS ~
|
|
|
لوني المفضل : Crimson
|
|
ثلآث سنين [ قصيدهـ قديمـه ] . . . =(
******************
ثلاث سنين وانااخطط لهاا اليوم ياأبو سعود
تيسر حالي وجاهز اوفي وعد وقته
وفجاه جتني تتعذر تقول تاخرت الوعود
ونا مستغرب واسمع وكاني وعدها خنته
حسبت انها تمازحني وتتصنع جفا و وسدود
ضحكت بوجهها من قلب مع انها بايخه النكته
وقالت ارضا بالواقع قلبي ماهو المعهود
تغير كل شي صوبك نصيبي ماضن انته
كنت بيوم محبوبي ولكن ماضن نعود
وصل من قبل لا توصل وانا ذاك الصبر عفته
لكن تكفى صدقني ويشهد ربي المعبود
ترى ماخنتك بغفله ولا كلمته وشفته
بصراحه اهلي قالولي انه ولد اصل وجود
وجتني امه بالصوره وبكلمات المدح اخته
سكت وقلت هي فرصه دام الجود فالموجود
وقالولي كل من حولي علامات الرضا سكته
وانا فكرت دام امه واخته ماعليهم زود
اكيد اني براضيهم اذا وافقت واخترته
واراضي اهلي واخواني دام ان الفرح مقصود
عطيت الناس انا كلمه ومعاهم وقتي حددته
ولا اقدر اغيرها ترى عند العرب منقود
اوافق واعتذر باكر واقول الراي غيرته
تبي تشرح لي المنقود
تصدق عاد يابو سعود
تبيني اقتنع وارضى بحال عمري ما عشته
انا ماني بقايلها عسى يفرش ثراها ورود
بعد ما حطمت قلبي وطعم الموت جربته
عسى بفستانها اشواك وفي ثوبه عقارب سود
ونار تحرق الكوشه وتحرق بيتهم حتى
على اهون اذا ماتو ولا بنفس السرير رقود
ترى صعب علي اتخيل اللي ماتخيلته
عسى قاع الثرا يقسى ويتحول صخر جلمود
وحفار القبر يرفض يسوي فوق مقدرته
ترى دفنه عديم الذات تلوع حتى كبد الدود
ومن خان العهود ومات تعافه حتى مقبرته
عسى ربي يجازيهم بحبل من مسد ممدود
يعلقهم من اطرافه وفوقه نار ومن تحته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
دام الفعل له رده فعل والله ابشري بردود
بدعي دامني حي وبغرس للدعاء نبته
ابسقها نزيف القلب ودمع مارحم الخدود
تكبر والثمر يكبر من اللي خانني وخنته
انا نذر علي اكتب وفجر هالقصيد رعود
واردد للي يسمعني اذا حبيت حب بحدود
انا حبيت دون حدود وشوف اللي تكبدته
ثلاث سنيين
ثلاث سنين
ونا ابني وجت صوره بكل برود
خذت مني شقى عمري وحلم قلت حققته
ثلاث سنين انا خطط لهذا اليوم يابو سعود
وتوافق من كلام اخته وصوره اربعه في سته
*********************
egNe skdk F rwd]iJ r]dlJi D > > > =(
|
|
|
يسلملي الإهدآء وصآحبته يآرب (L)
|
.gif "(101)")
العرض العادي
