عرفنا بالجزء الأول وش صار مع خويانا وخواتنا وكيف تأقلموا مع القبيله
وفي ثاني ايام الاعضاء في القبيلة راح فانتاستيك وامير الحلا وسيف لمجلس كليب
وجلسوا يتسمعون للسوالف
قال كليب يا فانتاستيك
هل لديكم في عصركم شعر كـ شعرنا
قال فانتاستيك افا عليك يا صديق
عندنا كيف ما عندنا
قال كليب هل اسمعتني بعضه
قال فانتاستيك بالله يا امير الحلا كانك حافظ قصيدتن زينه قلها ترى ماني حافظ شي
قال امير الحلا
جننتني هالبنييه وش تبي
قولولها بتحب وإلا مطوله
وهو ينطن اذان فانتاستيك قال وش جننتني الله يرحم والديك لا يحسبك تهجيه ويمردغنا
قال كليب فيما تتكلمون
وما معنى هذه القصيده ؟؟
قال فانتاستيك اسمع ياصديق
هذي ابيات كويسه
وخويي هذا يطلب منك بيت نسكن فيه حنا وخويانا وخواتنا معنا
قال كليب البيت جاهز
وهم ياخذون خواتهم من بيت كليب يبون يروحون لبيتهم
ويالله يطلعون دمعة دلع من بيت كليب ماسكتن الجليله وتحبحبه
ومشوته السواق الكامره بس بيده وكل شوي طاقتن صوره
وامير الذوق وراه وبس يهاوشه
يابنت والله لا أوريك خلينا بس نرجع للمنتدى لا افضحك انتي وهالتصوير
المهم ان الربع راحوا للبيت وعينوا خير
وراح فانتاستيك وارسل مجنونك لكليب
قال مجنونك لكليب يا صديق
انا اخو كبير يقول لا تسوون اكلنا حنا نبي نطبخوه انتم كفر وحنا مسلمين ما ناكل اكلكم
وعقب ترجمات وحركات وتشبيهات يالله فهم كليب
المهم
عاشو مع هالقبيله عدة ايام وشهور
والوضع على ماهو عليه
امير الحلا جالسن عند الزير وسهر ولا يرجع الا تالي الليل
فانتاستيك و مجنونك وسيف كل يوم مسيرين على مجلس كليب
وابوفرنيه بلشان يبي مقهى نت
ومرسول الحب ونواف الدوسري كل يوم يروحون لجحدر ويكمخونه ويلعنون جدفه ويرجعون
وجمعت الشوق بس يراقب جساس
وامير الذوق بس هواش هوومشوته السواق هي تصور وهو يهدد بالمخالفات اللي يبي يفضحه بالمنتدى
ومشوته الخدامه ودلع نجد وكتكوتت حلا ومشوته الطباخ بس مسيرات
اما على الجليله او ضباع او الزهراء
المهم ان الوضع صار ماشي كذا برهه من الزمن
وبيوم من الايام
راح كليب الى المراعي
وتبعه جساس
وتبعهم جمعت الشوق
وهم يتهاوشون على سالفة مراعي ما مراعي
وهو يمشي كليب ويخلي جساس وراه
وهو ياخذ جساس الرمح ويصوبه بظهر كليب لياهو طايح بالقاع
وهو يروح جمعت الشوق للقبيله
ويدوووس طبلونوه ويولع الفلشر ويمسك الأكتاف
ولا يطيح الا بحظن فانتاستيك
قال فانتاستيك وش عندك يا الخبل لك نهيت
قال جمعت الشوق يافانتاستيك جساس ذبح كليب
قال فانتاستيك لا والله الا دجينا
وهن يقومن البنات لهن صياح
قال فانتاستيك سكتوهن لا يحسبوننا حنا اللي ذابحينوه
قال مجنونك يا عيال
روحوا جيبوا هالداشير امير الحلا وامير الذوق من عند الزير لا يدري الزير ويضحي بهم
وهو يطير نواف الدوسري لهم ومعه مرسول الحب
وهم يجون لمكانهم إلا يالله يتكلم من هالبلاوي اللي يشربه
وهو ينادي نواف الدوسري لامير الحلا( ياامير الحلا يا العربيد )
قال امير الحلا اغرررررب عن خشتي ايه الدلخ لا اجي اكمخك
قال نواف الدوسري ياخوي السالفه مهي مزح تعال
قال امير الحلا لامير الذوق << كان معه ... يا عكرمه دحدر عندهم وصرفهم
وهو يروح امير الذوق عندهم
قال نواف الدوسري يا امير الذوق جساس ذبح كليب
وانحاشوا انت وامير الحلا لا يفرمكم الزير
قال امير الذوق هيا طس ايه الورع لعنبو بليس من جااااابك هياااااااا
ويوم شافوا نواف الدوسري ومرسول الحب إن امير الحلا وامير الذوق ما بهم طب
وهم يروحون للبيت
قال امير الحلا لامير الذوق ماذا يبغون هالدشير يا عكرمه
قال انهم بزارين كما تشوف ويقولون ان جساس ذبح كليب
وهي تصير لمبه فوق راس امير الحلا
وهو يقوم امير الحلا ويبعد عن الزير
وينادي لامير الذوق
قال امير الحلا خلنا نهج لعنبو بليسك دجينا
امش خلنا نروح للبيت لا يلعن جدفنا الزير
وركض للبيت
ويوم دخلو بالبيت واجتمعوا الاخوان كلهم
وهو يجي فانتاستيك يبي يحدث عليهم
وهي تصيح مشوته الخدامه
وتنصفر مشوته الطباخ
وتقوم دلع نجد تنتف شوشته ودمعة دلع تضرب راسه بالقدر
وكتكوتت حلا تلطم
ومشوته السواق قامت تصور وجهه وله جعير وصياح
ويالله يسكتونهن
قالوا العيال وش السالفه يا بنات ليه تصيحن
قالن ابوفرنيه مهو هنا لا يكون ضااااع أو ماااااات اكيد هالحين ماسكينه واول ضحايا الحرب هو
وهم يفزعون يدورونه
ويلقونه يدور لهاللحين مقهى نت <<< الله من البرود ببوفرنيه
ويمسكوه فانتاستيك ويشوته ويمردغوه
قال ابوفرنيه وش عندك تضرب
قال فانتاستيك الناس بحرب وانت تبي مقهى نت يا خبل
وياخذونه للبيت
وعقب فتره بسيطه وهو يقوم الصياح بالقبيله
وينتشر الخبر بموت كليب
والربع للحين بالبيت وكل واحد خامن الثاني
قال فانتاستيك اسمعوني زين
مثل ما تعرفون وشفتوا بالمسلسل القبيلتين راح يتفرقون والله يخليكم خلوكم هنا
قال مجنونك لا انا ابي مع قبيلة جساس
قال مرسول الحب وانا معك
وابوفرنيه بعد راح معهم
وهي تقبس
قال جمعت الشوق وانا بعد ابروح
قال فانتاستيك يالربع تروني علمتكم الزير يبي يمسح بهم القاع
قال مجنونك ماعلينا منوه
الوكاد ان الوضع انتشر
ومجنونك ومرسول الحب وابوفرنيه وجمعت الشوق راحو مع ربع جساس
وامير الحلا راح للزير بمكانوه
ويلقاوه جالس
قال امير الحلا مساء الخير يالحبيب
ولا ألتفت الزير
قال امير الحلا احسن الله عزاك يالحبيب
ولا رد الزير عليه
قال امير الحلا بالله ماعندك لو جغمه من هاللي تشربوه
تخبر تعودنا وابي شوي من اللي عندك
وهو يلتفت الزير قال يالاحمق لقد حرمت شرب الخمر اذا لم اخذ بثأر كليب
قال امير الحلا
لا والله الا دجينا
انت هالحين ثارك يبيلوه اربعين سنه
وهو يفكر امير الحلا وقال مالي الا اضرب النومه بالبيت احسن لي
وعقب مرور شهرين على موتت كليب وتفرقوا القبيلتين
واخذ الزير يجهز للحرب
وفانتاستيك وخوياه بلشانين يبون يرجعون خوياهم اللي مع جساس
لكن رفضوا ومصملين على رايهم الا يبقون عند جساس
( احد شهود العيان يقول ان خويانا اللي عند جساس طايحين بلعب الهند )
وجهز الزير سالم جيشه
واستعد للحرب
وهجم على قبيلة مره << اللي هم ربع جساس
وقتل منهم ناس كثيرين
وخويانا اللي معهم سالمين
وكل يوم يغير عليهم ويذبح عدد كبير منهم
وفانتاستيك وخوياه يلطمون يحسبون خوياهم ماتوا
وفي احد غارات الزير سالم على ربع جساس
دخل عليهم الزير وهو يلقى قدامه ابوفرنيه وهو يمسكه مع علباه
ومجنونك سلم نفسه ومرسول الحب جاء عند الزير وقاله انا داخلن على الله ثم عليك
وجمعت الشوق انصفر من الخرعه
وهو يجيبهم الزير معه
ويسلمهم لخوياهم
وهن يقومن البنات يلولشن
طبعا الزير سمع اللولشه
وهو يرجع عليهم وانواع التمردغ
بس انوه ما ذبحهم
نتابع في الجزء الثالث وش اللي صار بالضبط << تراك ازعجتنا بالاجزاء
vpgm huqhx pgh hgfkhj ggfv >>>> hg[.x hgehkd
العرض العادي
