منتدى حلا البنات - منتديات بنات

01-12-2009, 09:45 PM

رحلة اعضاء حلا البنات للبر .... الجزء الاول

ابي اقولكم سويلفه بس باللهجة الحائلية عساكم تفهمونن ان شالله

اجتمعوا اعضاء حلا البنات في قسم الاستهبال عند فانتاستيك << ياشين اسمه هذا .. يخططون لطلعه بريه

وكانوا الاعضاء الموجودين

امير الحلا ( ابو هيلاهب اصفر ) ومجنونك وامير الذوق ومرسول الحب

وسيف ونواف الدوسري جمعت الشوق وابوفرنيه ..

وارتفعت اصواتهم

واحد يقول نبي نروح هناك

والثاني يقول اعقب وش معرفك للمحل الزين نبي نروح هناااااااااااااااااااااااك

والثالث يقول تروني ابعض رقبتك انت وياه لا هنااا ولا هناااا نبي نروح هنااااااااك

وهي تدخل عليهم دلع نجد

قالت انتم وش عندكم فضحتونا بين هالأقسام وش سالفتكم

قال فانتاستيك يا دلع نجد حنا نبي نروح للبر وهالبشر ذبحونا كلن يقول جهه

قالت اهااااااااااا كفشتكم

ماعلي منكم ماتمشون الا حنا معكم وخطوه بدوننا مافيه تفهمون وإلا لا ؟

وهو يعم السكوت على الجميع

قالو تم تم تم ( ابوك يالذله )

قال فانتاستيك بس من عندك يا خييتي

قالت عندي دمعة دلع ومشوته الخدامه ومشوته السواق وكتكوتت حلا ومشوته الطباخ

قال فانتاستيك بس ماعندنا الا الجمس حقي شلون يكفينا ( موديل 84 )

قالت دلع نجد عادي نربط ابوفرنيه وامير الحلا وامير الذوق فوق مع العفش ( زحمه يا دنيا زحمه )

طلعوا اهل الاستهبال الى برهم البرير

واول ما نزلوا ركضو على الكوره ولعب

والبنات فرشن الفرشه وجلسن يتقهون وحش بخلق الله

وعقب ماخلصوا العيال لعبهم بالكوره فرشوا فرشتهم وحطوا الجمس بينهم وبين خواتهم

الا مجنونك لهاللحين بوه حيل

وقام يركض

وهذا كرتون يشيلوه ويشوف اللي تحته

وهذي تنكه مبطيه يرفسه

وهو يلقاله بريق وياخذه ويقوم يحكوه ويلمسه

وهو يطلع لوه جني

قال الجني ياملعون الرقبه انت مالقيت الا انا توذيه

وهو يغول مجنونك ويشيل العيال والبنات

ويفررررررررررهم

ويرجعهم سنين

وسنين

اي سنين قل عصوووور

وهو ينزلهم عند رجالن جالس لحاله

ويوم حمدو الله على السلامه وتفقدوا بعضهم ولا فيه احد ناقص

وهو يروح فانتاستيك للرجال اللي جالس

قال السلام عليك يا كبتن

وهو يشوف له الرجال

قال ماذا تقول يا هذا

قال فانتاستيك اقول السلام عليكم

قال ماذا تريد مني

قال فانتاستيك انني ما ابغا منك شي يا اخ العرب ولكن منهو انت ؟

قال الرجال انا الزير سالم الا تعرفني ايه الوغد

قال فانتاستيك وهو يرجف والله العظيم وانت ما حلفتني اني مشبهن عليك

بس العذر من الله ثم منك

وهو ينادي فانتاستيك خوياه

ياعيااااااااال تعالو شوفوا الزير سالم بسرعه لا يختفي

وهم يجونه ركض ويجتمعون عليه ( تقل مسجلن هدف )

وهو يطلع سيفوه الزير يبي يمردغهم

قال فانتاستيك تعوذ من ابليس والله اننا مسالمين بس الحظ الردي جابنا عندك

وهم يقومون يسولفون معه

والبنات قربن شوين وهي تطلع مشوته السواق كاميرته وتلقطه كم صوره

قال الزير ماذا يفعل هذا الوغد الملثم

وهم يطيحون من الضحك

وهو يضرب ابوفرنيه كتف الزير ويقوله والله انك منسم يا سلوم ( جدع الميانه )

وهو يغوله الزير ويالله يخلصون ابوفرنيه من الزير

قال الزير لماذا اصحابكم ملثمون ؟

اني اخشى ان تكونوا من جنود التبع اليماني الذي قتله اخي كليب

قال مرسول الحب احلف ذبحتوه اي حلقه هالحين

قال الزير بماذا يهذي هذا الوغد

قال فانتاستيك ياخوك امسحه بوجهي هذا عليه قل صحه

وهذولي خواتنا بنات حريم معلوم صديق

بس حنا مسلمين ولا تكشف المرأه لغير محرمه الله لا يهينك ويعقلك

قال الزير وما هو الإسلام

قال فانتاستيك بعدين تعرف الإسلام هذا يجي بعدكم انتم مهبل ولا تدرون بشي

قال الزير اذهبو الى القوم فقد افقد صوابي واقتلكم

قال امير الحلا ياخوك يا فاناستيك لا يفقد صوابه هذا ماحنا ناقصينه خلنا نهرب عنوه

وهم يروحون للقبيله ويعينون من الله خير

هذا فانتاستيك وامير الذوق وسيف جالسين بمجلس كليب ويتعللون ويهزون روسهم والله مايدرون من وين هي هابه

ونواف الدوسري وامير الذوق يدورون شقق ايجار

وابو هيلاهب اصفر امير الحلا جالسن عند الزير السكير العربيد وانواع الصياعه

وجمعت الشوق يتمشى بالقبيله وكل رجال يوقفه ويخليه يوقع له له

وهذا مرسول الحب يفر بالقبيله يدور جحدر

وابو فرنيه كل رجال يشوفه يوقفوه ويقول بالله مافيه مقهى نت حولنا

اما بنيواتنا فجالساتن عند الجليله بمجلسه

وكل شوي قايمتن دمعة دلع وحابته وتبارك له بالزواج

وهذي مشوته السواق كل شوي آخذه لها صوره بالكاميره

وكتكوتت حلا ومشوته الخدامه ساكتات وبالعات العافيه

ومشوته الطباخ له جعير ابي امي ابي ارجع ماني ماني

ودلع نجد جالسه وحاطتن اليمامه بنت كليب بحضنه ( حنونه )

واستمرو بالعيشه مع القبيله

وبدوا يتقبلون الوضع

وتابعوا بالجزء القادم ماذا يحدث للأعضاء في قبيلة الزير << اسلوب تشويق

vpgm huqhx pgh hgfkhj ggfv >>>> hg[.x hgh,g

01-13-2009, 12:39 AM

هههههههههههههههههههههههههه <<<<<ميته ضحكـ وربي تجنن ماشاءالله عليك محلل كل واحد تحليل مو صاحي خخخخخخخخخخخخخخ
ولا أنا >>>>ابي أمي مابي مابي هههههههههههههههه ياحبي لي

تسلم يمينـــــــــــــكـ وع احر من الجمر ننتظر الباقي لا تبطي خخخخخخخخ

01-13-2009, 12:47 AM

روووووووووووووووووعهـ ابداآآآآآآع خيووووووووووو

جزء ممتع واللهـ ..

اهنييكـ على هالابداآآع والتمييز ..

بس بصراآآحهـ فطست ضحكـ على ابو هيلاآهب اصفر امير الحلاآآ

ههههههههههههههههههه

واللهـ راآآكبه علييه >> بينجلد

المهم حبيبي

لاآتنسى كلملهاآآ وربي في قمة الرووعهـ ..

وشيقه بالفعل ياآ اخ العررب >> الرجاآل اعجبته اللغه العربيهـ

يعطيييكـ العاآآفييهـ ..

دمت لناآآ

01-13-2009, 10:00 AM

هههههههههههههههههههههههه

<< فآآآطسهـ ضحكـ ههههههههههههههه

يعطيكـ ربي الف عافيهـ

ما شاء الله عليكـ مبدع مبدع مبدع

الله لا يحرمنااا منكـ يااارب

ولا من ابداعكـ يالغالي

شمشومهـ ^_^

<< تنتظر الجزء الثاااااني بفارغ الصبر ,,<< تسمع فيها بس ماتدري صح ولا خطأ هع هع..

01-13-2009, 11:48 AM

فديت ضحكتكم كلكم

ان شالله الجزء الثاني ابي اعصر مخي وانزله اليوم

منتدى حلا البنات - منتديات بنات

رحلة اعضاء حلا البنات للبر .... الجزء الاول

رحلة اعضاء حلا البنات للبر .... الجزء الاول

رحلة اعضاء حلا البنات للبر .... الجزء الاول

إِرسُم الإبتِسَـآمَة عَلى مَن حَولَك ツ