01-03-2009, 10:05 PM
|
#1
|
|
..::【 آلآستآذ آلزآحف 】::..
|
بيانات اضافيه [
+
]
|
|
رقم العضوية : 19
|
|
تاريخ التسجيل : 6 - 10 - 2008
|
|
أخر زيارة : 05-15-2010 (03:42 PM)
|
|
المشاركات :
722 [
+
] |
|
التقييم : 11
|
|
|
لوني المفضل : Cadetblue
|
|
قصتي مع الشغالة ... الله لا يعيدها
سلااااامن عليكم
والله اليوم وانا منسدح بالصاله تذكرت لي سالفه قبل حوالي اربع سنوات انا والشغالة ياحيي ابيكم تسمعونها وتقولون رايكم بها
اول شي احب اعطيكم فكرة عن شغالتنا
شغالتنا يا بعد حيي مخروشة الى ابعد حد يعني لما نشوفها جايبه الشاهي نعلن حالة الطوارئ ونزل الوغدان (( البزران )) للملاجئ
لانه عادي عندها تشيل 13 بريق شاهي بيد و10 دلال قهوة بيدها الثانيه وتمشي صافطه الطبلون يعني كنها تصاقط ظلالها
انا اقول لامي احس انها مسكونه بجني كان يشارك في اختراق الضاحية
تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال خخخخخخخخخخخخخخخخ
يعني لو تبي تعذبها خلها لا تتحرك بس ثواني
وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لا بس دباشه
انا احس انها ما قد شافت بشر ولا تدري وشلون يتعاملون مع بعض
تقدرون تقولون انها مخروشه وفي روايه اخرى سبيكه
المهم انا صار لي معها موقف قوي
مرة وانا راقي لغرفتي مروق وادخل غرفتي وانا من عادتي اني ادخل غرفتي وبعدين اعطي الباب كعب قوي واصكه واقفل غرفتي
واطلع جوالي واجدعه على الوساده مع انه دايم يطيح ورى السرير وابلش ادوره
وافصخ ثوبي واحطه في مكانه المعتاد اللي هو اجدعه على الارض
بعدين اشيل فنيلتي واصفطها لين تصير مثل الكوره واشوتها على المعلاق قصدي الشماعه
عني ما يبقى على الا سروال السنه
المهم حمامي الله يعزكم داخل غرفتي
المهم يوم فصخت ثوبي قعدت قدام المرايه اتميلح نفسي واكلم روحي وانكت شوي وامسك المشط واتخيله مكروفون واغني بنت النور << على عزها يعني قمة الطرب
واستعرض عضلاتي والعب كراتيه مع صورتي بالمرايه .. واكلم نفسي بالمرايه واقول بتعقل انت والا
وارفسه برجلي خخخخخخخخ
وبقية الحركات اللي انا دايم اسويها بشرط ما يكون عندي احد
عاد انا دايم انهي حركاتي هذي بقفزه على السرير وكنت دايم وانا انقز اقول دووووووق فليــــب<<< هذ اسم اللي كان يسوق كريندايزر خخخخخخخخخخ << خبل انا صح
الموهم عاد وانا ناقز وبين السماء والارض حانة مني التفاته<<< الله اخيراً قلت حانه من زمان وانا ودي اقول هالكلمه
المهم يوم حانة مني التفاته للحمام وش شفت
صليحه<<< اسم شغالتنا .... واقفه بوسط الحمام وماسكه مكنسة وسطل وهي منصدمه
قلت لها صليحة خيررررر وش عندك .. زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض ما بعد وصلت السرير<<<< ما يكذب ابـــــــــــــــــــــــدخخخخخخخخخ
وجلسنا نناظر بعض اللي يشوفنا يقول والتقى الحبيبان وانا ودي اخذ المكنسة اللي معها واكنس البهاق اللي بوجهها
ثم امسك راسها وادخله بوسط السطل اللي فيه مويه علشان اشوف من وين ينسم راسها
واصرخ عليها يا دبشه ليش ما تكلمتي وعلمتيني انك هنا
وكالعاده كنك تكلم جدار
المهم لاني عارفها دريت انها يوم سمعت صوتي انخرشت ولا درت وش تسوي
وبذهانتها الخارقه قالت بقعد هنا وماراح يشوفني .... لعنبو دارك ودار مخك
عاد انا قعدت اتذكر وش كنت اسوي يلعن ابو الفشيله بس اللي مهونها علي قلت اشوى اني ما فصخت كل شي
كان انا اللي بطلب من اهلي يسفروني انا مو هي
الموهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتصوت لي
يا سلاااااااااااااااااااام على الحظ
انا والشغاله بغرفة نومي والغرفة مقفله وانا كاسي عاري ما علي الا سروال نص
يعني امي لو هي عمياء بيروح علطول بالها لذاك الشي
يعني التهمة لبساني لبساااااني
علشان تعيشون معي الموقف
انا ما علي الا سروال سنه والشغاله جنبي واقفه ,,,والباب مقفل وورى الباب امي
وانا اعرف امي ماراح تروح الا اذا فتحت الباب
في هاللحظه .... خطرت في بالي فكرة انما ايه ما تخرش الميه
لي اخو يدرس برى وامي تموووووت فيه واذا دق تركض امي ركض كأنها بنت جايتها رسالة جوال خخخخخخخخخخ
فقمزت على السرير واخذت الجوال ودقيت على بيتنا ورد على ولد اختي من تحت قلتله انا خالك ابوفرنيه وين جدتك بسرعه انا اكلم من برا
فقام البزر يصوت لامي خااااااااااااااااالي ابوفرنيه بالتلفووووووووووووون
امي اول ما سمعته يصووووت تدروشت وتلخبطت وقامت تقول يووووووه قله انها فوووووووق وصارت تمشي وتدور التلفون اللي فووووق وهي تقووول افففففففف وين ودت التلفون هالشغاله
وانا في نشوة الفرح لنجاح خطتي الجهنميه اذا بصليحه <<< مرة ثانيه اسم شغالتنا
اذ بها يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما
انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله
الادميه ذي ذكائها خارج التغطيه الا مخها منتهي الصلاحيه هذي طفرة في الدباشه
المهم انا صرت ما اسمع لامي صوت مدري هي سمعت الشغاله والا لا
يوووووم جت المصيبه
وانا واقف عند الباب اتسمع والشغاله جنبي
اذ بصليحه تمسك عروة الباب وتبي تفتحه فرمقتها <<<< حلوه رمقتها هذي صح خخخخخخخخخخ
المهم رمقتها بعيني يعني وش تبين قالت لا بابا افتح الباب لا بابا حرااااااااااام لا بابا ايش يبغى انت لا بابا انا حرمه كبير انا حرمه فيه بيبي حراااااااام بابا
ياسلااااااااااااااااام الاخت فاهمه غلط تحسبني اسوي كل ذا علشااااني ابيهااااااا
مدري اضحك والا اصيح والا وش اسوي فيها
من زينك انتي ووجهك اللي كأنه مقفى طاسه (( غضاره )) عيون يبيلها كروكي علشان تلقاها وخشم افنس كأنه محول غاز
لعنبو شكلك لو تطب علينا الهيئه اخذو علي تعهد وانتي سجنوك مؤبد وراح يسوولي انا كشف حمل مو انتي خخخخخخخخخخخخخخخخخخخخخخخخخ
المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, صليحه!!!! صليحه انتي هنا
وقبل ما تفتح امي الباب دورت بسرعه السروال الطويل ولقيته على الارض وامد ايدي ابي اخذه ... في هاللحظه فتحت امي الباب
ولا لقيت تصريفه لوضعي وانا ماد ايدي للارض باخذ سروالي الا اني لا ارادياً قلت
الله اكبر<< ايه سويت نفسي اصلي واسجد خخخخخخخخخخخخخخخخخخخخخخخخخخخخخخخخ
وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي
المهم اني في نفسي اقول يارب انها ما تلاخظ اني اصلي وانا شبه عاري
امي دخلت وتنحت شوي بعدين قالت للشغاله وش قاعده تسوين لكن كالعاده الشغاله اكلت تبن وسكتت وطلعت
وقفت امي شوي وانا قاعد اصلي واقول في نفسي اشوى انها ما انتبهت اني متفصخ
المهم شوي الا و يوم قالت لي اجل تصلي هاه !!!!!!!!!! وانا اللي ابلع ريقي مو بس ريقي الا حتى اللوز بلعتها
قالت اجل تصلي,,,, زين بس ترى القبله غرب وانت تصلي شرق
وطلعت وصبخت بالباااااب بقوووووووووووه
يوووووووووووووووووووووووووووووووه انوااااااااع الصدماااااااات ياربي وش اسوووووووي
واقعد افكر يارب وش اسوي والله اني مظلووووم <<< واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق
ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخخخخخخخخخخ
الموهم لبست ملابسي ونزلت ورحت لامي وهي من هوووول الموقف قاعده تتنافض وتحتري ابوي
يوم جيت صرخت بوجهي لا تكلمني ولا تلمسني ابعد
قلت اسمعي
الصدق مجراه والكذب مفراه
قالت وشو
قلت الصدق منجراه والكذب مفتراه
قالت وش تقول انت
قلت اففففف الصدق زين والكذب شين وشوله الفلسفه
وقعدت اقولها كل اللي صار واحلف ايمان واقسم بالله
والحمد لله لان امي واثقه فيني صدقتني
بس مدري ليه سفرو الشغاله بعد يومين<<< الى الحين ما فهم انهم سفروها لانهم ما صدقوه خخخخخخخخخخخخخخخخ
بالله عاد وش رايكم بقصتي << توها حقيقية من قصص ابو فرنيه
rwjd lu hgayhgm >>> hggi gh dud]ih
|
|
|
|
العرض العادي
